Aýa raıy
Astana -3 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Aqtaýda tóbesinen sý aqqan turǵyn úıdi salǵan merdiger mekeme ókili jaýap berdi

2020 jyldyń 6 tamyz 2020 18:29

AQTAÝ. QazAqparat - Búgin túnde Aqtaý qalasynda tolassyz jaýǵan jaýyn kezinde 19 shaǵynaýdandaǵy «Tynyshtyq» turǵyn úı kesheniniń tóbesinen sý aǵyp, joǵary qabattyń turǵyndary áýre-sarsańǵa tústi, dep habarlaıdy Qazaqparat tilshisi.

Aqtaý qalalyq ákimdigi baspasóz qyzmetiniń habarlaýynsha, oqıǵa ornyna qalalyq turǵyn úı ınspektsııasy mamany, turǵyn úıge qyzmet kórsetýshi jáne turǵyn úı qurylysyna jaýapty «Mega Technology Company» JShS ókilderi bardy.

Mamandar turǵyn úıdiń sýaǵar qubyryna qoqys jınalyp qalǵandyqtan sý ketkenin anyqtady.

«Shyǵyndy eseptep, óteýge ýáde beremiz», - dedi osy úıdiń qurylysyna jaýapty merdiger mekeme ókili «Mega Technology Company» JShS dırektory Álipbaı Dúzmaǵambetov.

Eske sala ketsek, buǵan deıin Aqtaýda kúni boıy jaýǵan jańbyr saldarynan ortalyq kóshelerdiń sýǵa tolyp, jańadan salynǵan kópqabatty úılerdiń tóbesinen sý aqqany týraly habarlaǵan edik.



Joǵary qaraı