Aýa raıy
Astana -17 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Aqtaýda teńiz jaǵalaýynda kóligimen qaýipti trıýk jasaǵan júrgizýshi jazalandy

2020 jyldyń 29 qarasha 2020 17:27

AQTAÝ. QazAqparat - Aqtaýlyq polıtseıler teńiz jaǵalaýynda kóligimen qaýipti trıýk jasaǵan júrgizýshige tórt hattama toltyrdy, dep habarlaıdy QazAqparat tilshisi.

Mańǵystaý oblysy polıtsııa departamentniń málimetinshe, tártip buzýshynyń avtokóligi aıyp turaǵyna qoıylǵan.

Aqtaý polıtsııa basqarmasy patrýldik polıtsııa batalonynyń qyzmetkerleri «Toyota Camry» júrgizýshisiniń jeke basyn anyqtady. Ol 15-shaǵynaýdandaǵy jaǵalaýdyń jaıaý júrginshiler aımaǵynda drıft uıymdastyrǵan.

«Tártip buzǵan turǵynǵa qatysty QR ÁQBtK 595-babynyń 1-bóligi (manevr jasaý qaǵıdalaryn buzý), 596-babynyń 1-bóligi (jaıaý júrginshiler jolymen, jol jıegimen nemese trotýarmen júrý qaǵıdalaryn buza otyryp júrý), 601-babynyń 1-bóligi (jol belgilerimen nemese joldyń júrý bóliginiń tańbalarymen uıǵarylǵan talaptardy saqtamaý) jáne 612-babynyń 2-bóligi (kólik quralyn basqarýǵa quqyǵy joq adamnyń kólik sanaty) boıynsha ákimshilik hattama toltyryldy» delingen habarlamada.

Jalpy júrgizýshige 43 aılyq eseptik kórsetkish mólsherinde aıyppul salynady. Shamamen 119 454 teńge. Kólik aıyp turaǵyna qoıyldy.



Joǵary qaraı