Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Aqtaýda múmkindigi shekteýli jandarǵa arnalǵan sport zaly ashyldy

2020 jyldyń 3 jeltoqsan 2020 11:58

AQTAÝ. QazAqparat - Aqtaýda múmkindigi shekteýli jandarǵa arnalǵan jattyǵý zaly ashyldy, dep habarlaıdy QazAqparat.

Múgedek jandardyń sportpen shuǵyldanýyna jaǵdaı jasaý týraly ıdeıany Azat Esirkepov usynǵan. Onyń muryndyq bolýymen jattyǵý zalyn ashý týraly oıyn oblysynyń dene shynyqtyrý jáne sport basqarmasy qoldaǵan.

«Atameken» kásipkerler palatasyna baryp bıznes-jospar qurdym. Internet arqyly zalǵa qajetti qural-jabdyqtardy izdep, qoǵamdyq birlestik týraly zańnamany zerttedim. Demeýshilerdiń arqasynda osyndaı 60 sharshy metrdi quraıtyn shaǵyn zaldy ashtyq», - deıdi Azat Esirkepov.

Jalpy múmkindigi shekteýli jandar tirek-qımyl qozǵalysy zaqymdanǵan, kórý jáne estý múmkindiginen aıyrylǵan sportshylar bolyp úsh topqa bólinedi. Árqaısysy óz múmkindigine qaraı sport túrin tańdap, jattyǵady. Shuǵyldanatyn sport túri de negizgi úsh topqa bólingen. Sporttyń paralımpıadalyq túrine jeńil atletıka, júzý, ústel tennısi, nysana kózdeý, paýerlıftıng, arbada bıleý, otyryp oınaıtyn voleıbol túri kiredi. Al sýrdlımpıadalyq túrine fýtbol, shaǵyn fýtbol, jaǵajaı voleıboly engizilgen.




«Múmkindigim shekteýli dep úıde otyryp almaı, sportpen aınalyssa, olar denesin shynyqtyryp qana qoımaı, ózi sııaqty adamdarmen áńgimelesip, oıy bólinip, ómirge degen kózqarasy da ózgerer edi. Sondyqtan da oblysta múmkindigi shekteýli jandardy osy sport alańyna shaqyramyn. Endi biz múmkindigi shekteýli jandar arasynda sportty damytyp, úlken jetistikterge qol jetkizýimiz kerek. Ol úshin tek erinbeı eńbektenýimiz ǵana qaldy», - deıdi Azat Esirkepov.

Jattyǵý zalyndaǵy arnaıy qondyrǵylar túrli jaraqaty bar aýyr naýqastarǵa ońaltýdan ótýge múmkindik bermek. Ásirese, omyrtqasy zaqymdanǵan, sal, ınsýlt syndy kúrdeli syrqattarǵa qajet jattyǵýlar kesheni usynyldy. Aldaǵy ýaqytta ár adammen jeke jumys istep, arnaıy baǵdarlama qurýǵa ázir ekendikterin jetkizdi.






Joǵary qaraı