Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtaýda «Qazaqstan barysy» týrnıriniń qola júldegerine páter berildi

2021 jyldyń 8 shilde 2021 22:28

AQTAÝ. QazAqparat - Búgin Mańǵystaý oblysynyń ákimi Serikbaı Trumov «Qazaqstan barysy» respýblıkalyq týrnırine óńir atynan qatysqan Nurdáýlet Jarylǵapov pen Jasulan Tańatovty jáne qazaq kúresinen jattyqtyrýshy Qaırat Býrbasovty qabyldady, dep habarlaıdy QazAqparat tilshisi.

Serikbaı Trumov QR Tuńǵysh Prezıdenti - Elbasy N.Á. Nazarbaevtyń júldesi úshin qazaq kúresinen ótken «Qazaqstan Barysy» respýblıkalyq týrnırinde qola júldege ıe bolǵan N.Jarylǵapov pen onyń bapkerin aıtýly jeńispen quttyqtady.

«Elimizdiń ár óńirinen iriktelgen kil myqtylardyń ishinen sýyrylyp shyǵyp, júldeli oryndy ıelengen Nurdáýlettiń jeńisi biz úshin maqtanysh. «Qazaqstan barysy» bastalǵaly 10 jylda Mańǵystaý qorjynyna alǵash ret júlde túsken eken. Nurdáýlet Jarylǵapovtyń jeńisti joly jalǵasa bersin. Osy jyly Mańǵystaý oblysynyń sportshylary túrli deńgeıdegi jarystarda óte jaqsy dárejede óner kórsetti. Bul jetistikterdiń barlyǵy bizdiń oblysymyzdyń dene shynyqtyrý jáne sport salasynyń damýyna jańa qarqyn beretinine senemiz. Sizderdiń sporttaǵy alar asýlaryńyz áli de bıik bolýyna tilektespiz. Biz sportshylarymyzǵa úlken senim artamyz. Jeńisten jeńiske jete berińizder!»,-dedi oblys ákimi S.Trumov.

Oblys ákimi mańǵystaýlyqtardyń atynan N.Jarylǵapovqa - Aqtaý qalasynan páter, al onyń jeke bapkeri Qaırat Býrbasovqa 1 mln teńgeniń sertıfıkatyn tabys etti.

El Táýelsizdiginiń 30 jyldyǵy, Qajymuqan Muńaıtpasulynyń 150 jyldyǵyn merekeleý aıasynda ótkizilgen týrnırge respýblıkanyń 14 oblysynan, Almaty, Shymkent, Nur-Sultan qalalarynda irikteýden ótken 37 úzdik balýan qatysqan.











Joǵary qaraı