Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Aqtaýda balalar qurylys nysanynyń joǵary qabatynda hokkeı oınaǵan

2020 jyldyń 2 jeltoqsan 2020 12:00

AQTAÝ. QazAqparat – Aqtaýda qurylysy júrip jatqan nysannyń joǵary qabatynda oınap júrgen balalardyń vıdeosy áleýmettik jelide tarap ketti, dep habarlaıdy QazAqparat.

Oqıǵa 1 jeltoqsan kúni 15-shaǵynaýdandaǵy ǵımarattardyń birinde bolǵan.

Vıdeony túsirgen turǵyn teńiz jaǵalaýyndaǵy shaǵynaýdandardyń birinde qurylysy aıaqtalmaǵan ǵımarattyń sońǵy qabatynda kámeletke tolmaǵan balalardyń hokkeı oınap júrgenin aıtady. Bul jaıt turǵyndardy shoshytqan. Óıtkeni jetkinshekter shyǵyp alǵan ǵımarattyń joǵary qabaty qorshalmaǵan. Al, Mańǵystaý oblysynda birneshe kúnnen beri qar aralas jańbyr jaýyp, kóktaıǵaq boldy.

Al, polıtseıler kámeletke tolmaǵandardyń jeke basyn anyqtady.

«9 jáne 14 jastaǵy eki bala polıtsııaǵa jetkizildi. Olardyń ata-analary shaqyrylyp, túsindirme jumystary júrgizildi. Qurmetti ata-analar, balalar mundaı jaǵdaıdyń qanshalyqty qaýipti ekenin túsine bermeıdi. Ata-analardyń, bilim berý mekemeleriniń, quqyq qorǵaý organdarynyń, buqaralyq aqparat quraldarynyń birlesken kúsh-jigeriniń arqasynda ǵana balalardyń ózin-ózi saqtaý ınstınktin damytyp, qoǵamda durys minez-qulyq daǵdylaryn qalyptastyrýǵa bolatynyna senimdimiz», - delingen vedomstvonyń baspasóz habarlamasynda.


Avtor Qarakóz Marat
Basty sózder: Oqıǵa, Mańǵystaý oblysy, Aımaq,
Joǵary qaraı