Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtaý qalasyndaǵy 464 shaqyrym jylý jelisiniń 72 protsenti ábden tozǵan

2021 jyldyń 18 qazan 2021 13:54

AQTAÝ. QazAqparat - Mańǵystaý oblysynyń ákimi Nurlan Noǵaevtyń tóraǵalyǵymen óńirdiń ózekti máseleleri talqylanǵan keńeıtilgen jıyn ótti, dep habarlaıdy QazAqparat tilshisi.

Basqosýda áleýmettik mańyzy bar azyq-túlik taýarlarynyń baǵasyn turaqtandyrý boıynsha másele qaraldy. Oblystyq kásipkerlik jáne saýda basqarmasynyń basshysy Janna Toqbaevanyń málimdeýinshe, búgingi tańda oblysta birinshi qajettiliktegi taýar qory 1500 tonnany quraıdy. Qazirgi ýaqytta osy kórsetkishti arttyrý boıynsha jumystar júrgizilýde.

«Basqa óńirlerden azyq-túlik tasymaldaý bul máseleni túbegeıli sheshpeıdi, sondyqtan jergilikti ónim óndirýge basymdyq berilý kerek. Barlyq deńgeıdegi basshylar, ákimder bul jumysqa jeke aralasýy qajet», - dedi Nurlan Noǵaev.

Sonymen qatar, jıynda jylytý maýsymynda týyndaǵan birqatar máseleler talqylandy. Búginde oblystaǵy 474 bilim berý nysanyna, 156 áleýmettik sala ǵımaratyna, 105 densaýlyq saqtaý nysanyna jáne 1712 turǵyn úıge jylý berilgen.

Oblystyń energetıka jáne turǵyn úı sharýashylyǵy basqarmasynyń basshysy Berdibek Qartbaevtyń aıtýynsha, barlyq kommýnaldyq kásiporyndar shtattyq rejımde jumys istep tur. Alaıda, oblys ortalyǵynyń jylý jelilerinde apattyq jaǵdaılar týyndaýda. Oǵan sebep, Aqtaý qalasyndaǵy 464 shaqyrym jylý jelisiniń 72% tozyǵy jetken.

«Bul jaǵdaı jyl saıyn qaıtalanyp otyr. Máseleni keshendi sheshý úshin qalalyq jelilerdi jańǵyrtý baǵdarlamasyn ázirleý kerek. Turǵyndarǵa sapaly jáne úzdiksiz jylý berýdi jyl saıyn ýáde etemiz, biraq ony oryndaı almaımyz. Osydan halyqtyń senimsizdigi týyndaıdy. Mundaı kemshilikterdi Telegram chat kanalynan kórýge bolady. Kommýnaldyq mekemelerdiń basshylary turǵyndardyń shaǵymdaryna jedel jaýap berýi tıis», - dedi Nurlan Noǵaev.

Oblys ákimi jaýapty tulǵalarǵa kommýnaldyq jelilerdi jańǵyrtý baǵdarlamasyn ázirleýdi tapsyrdy.

Budan bólek, jıynda óńirge qysqy jem-shóp satyp alýǵa baǵyttalǵan memlekettik qoldaý qarajatyn durys bólý máselesi talqylandy. Búginde jem-shóp satyp alýǵa «Kaspıı» ÁKK AQ-y arqyly qarajatty jumsalý ádisimen jergilikti bıýdjetten 5,3 mlrd. teńge qarajat qaraldy. Óńir basshysy aýdan ákimderine jem-shópti bólý protsesin jeke baqylaýdy tapsyrdy.


Avtor Qarakóz Marat
Basty sózder: Qurylys, Mańǵystaý oblysy,
Joǵary qaraı