Aýa raıy
Astana 14 °S
Almaty 20 °S
valıýta baǵamy
USD 412.55
EUR 468.66
RUB 5.79
CNY 58.80

Aqtaý arystanyn eshkim óltirmeıdi - Mınıstrlik ustalǵan ańǵa qatysty túsinik berdi

2020 jyldyń 7 shilde 2020 11:52

NUR-SULTAN. QazAqparat - Aqtaý qalasy mańynda ıesiz dala kezip júrgen jerinen ustalǵan arystandy eshkim óltirmeıdi. Bul týraly Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet málim etti, dep habarlaıdy QazAqparat.

«Tańerteń «Aqtaýdaǵy arystandy uıyqtatyp tastaıdy eken» degen aqparat taraǵan bolatyn. BAQ-tan resmı memlekettik organdardyń aqparattaryna ǵana súıenýdi ótinemin. Facebook-te Kırıll Osın esimdi jeli qoldanýshy taıaý ýaqytta arystandy uıyqtatyp tastaýy múmkin dep jazǵan bolatyn. Bul aqparat - jalǵan. Arystan ómir súredi. Iá, búginde arystandy asyraýǵa qatysty problemaǵa tap bolyp otyrmyz. Mańǵystaý oblystyq Orman jarýashylyǵy jáne janýarlar álemi aýmaqtyq ıspektsııasynyń memlekettik ınspektorlary osy fakti boıynsha sotqa júgindi. Ázirshe sot sheshimin kútemiz», - dep jazdy ol Facebook-te.

Onyń atap ótýinshe, komıtet zoobaqtar men ózge oryndarǵa arystandy asyraýǵa qatysty ótinim joldap, qazirgi ýaqytta olardan jaýap kútip otyr. Arystandy baǵyp-qaǵatyn oryn aıqyndalǵannan keıin ań belgili bir organnyń qaraýyna beriledi. Al ázirshe ol Aqtaýdaǵy tsırk ókilderiniń baǵyp-qaǵýyna berilgen.

«Arystandy tamaqtandyrý ońaı emes. Aralaryńyzda etpen kómek bere alatyn adam bolsa, onda myna nómirge habarlasýdy ótinemin: +7 (771) 605-26-70 (Talǵat Álenov, Mańǵystaý ınspektsııasynyń bas mamany)», - dedi Sáken Dildahmet.

Aıta keteıik, 25 maýsymda 102 pýltine Aqshúkir kentinde emin-erkin júrgen arystan týraly habar kelip túsip, polıtsııa ańdyustap alǵan edi.

Iesi izdestirilip jatqan ań shamamen 1-1,5 jasta. Arystan - atalyq (erkegi yzaqor dep atalady). Afrıkalyq arystannyń bir túri. Adamdardan qoryqpaıdy. «Arystan SITES konventsııasynyń (joǵalý qaýpinde turǵan, jabaıy faýna men flora túrleriniń halyqaralyq saýdasy boıynsha konventsııasy) tizimine engizilgen.


Joǵary qaraı