Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqsýda anasy qaraýsyz qaldyrǵan kishkentaı 3 bala memleket qamqorlyǵyna alyndy

2021 jyldyń 15 qyrkúıek 2021 15:40

AQSÝ. QazAqparat – Aqsý qalasynyń turǵyny úıinde 8, 5 jasar jáne eki aılyq balasyn tastap, túnde qaıtyp oraldy, dep habarlaıdy QazAqparat.

«Inspektorlar 27 tamyz kúngi saǵat 18:45 shamasynda 2013, 2016 jáne 2021jylǵy balalary bar áıeldiń páterine kire almaǵan. Tártip saqshysynyń esik qaqqanyna balalardyń úlkeni jaýap berip, anasynyń tańerteń olardy syrttan kilttep ketkenin aıtty», - dep habarlady Pavlodar oblystyq polıtsııa departamentiniń baspasóz qyzmetinen.

Polıtseılerdiń málimetinshe, olar balalardyń anasy qaıda júrgenin túsine almaǵan.

Qutqarýshylardyń kómegine júginip, páterdiń kireberis esigin ashýǵa týra keldi.

«Kishkentaı balalar páter ishinde jalǵyz bolǵan. Eń kishisi - nebári eki aılyq. Balalardyń qarny ashqan, úıdiń ishinde kıimder shashylyp jatty, al tońazytqysh ishinde spırttik ishimdikten basqa azyq-túlik bolmady. 8 jasar aǵasy eki aılyq qaryndasyn pakettegi sútti berip tamaqtandyrǵan», - dep habarlady polıtsııa departamentinen.

Kórshileri bul otbasyndaǵy eresekterdiń balalaryn únemi uzaq ýaqyt qaraýsyz qaldyryp júretinin aıtty.

Polıtsııa qyzmetkerleri men qorǵanshy organy kishkentaı balalardy otbasynan tez arada alyp ketý sheshimin qabyldady.

Balalar Pavlodardaǵy qıyn ómirlik jaǵdaıda qalǵan balalardy qoldaý ortalyǵyna ornalastyryldy.

Al olardyń anasy úıine tek saǵat 23:00 shamasynda birge turatyn erkekpen birge oraldy. Ol bul áreketin Pavlodarǵa jumysqa baryp keldim dep túsindirdi.

«Áıel jáne onymen birge turatyn er adam buryn sottalǵan, ata-ana mindetterin oryndamaǵany úshin talaı ret ákimshilik jaýapqa tartylǵan. Qazirgi kezde 34 jastaǵy áıel QR Ákimshilik quqyq buzý kodeksi 127-babynyń 2-bólimimen ákimshilik jaýapqa tartyldy. Materıal sotqa jiberildi», - dep atap ótti polıtsııadan.

Pavlodar oblysyndaǵy kámelet jasyna tolmaǵandar isteri jónindegi mamandandyrylǵan sot áıeldiń balalaryna qatysty ata-ana quqyǵynan aıyrýǵa aryz talabyn daıarlap jatyr.

Endi balalardyń taǵdyryn sot sheshedi, dep naqtylady departamentten.

2021 jyldyń basynan beri pavlodarlyq polıtseıler kámelet jasyna tolmaǵandardyń tárbıesi boıynsha mindetterin jóndi oryndamaǵan 335 zańdy ókildi jaýapkershilikke tartty.


Basty sózder: Pavlodar oblysy, Oqıǵa,
Joǵary qaraı