Aýa raıy
Astana -17 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

AQSh-tyń MTV arnasynda Dımashtyń qazaq tilindegi klıpi kórsetildi

2020 jyldyń 3 qazan 2020 13:24

NUR-SULTAN. QazAqparat - MTV USA arnasynda Dımash Qudaıbergenniń qazaq tilindegi beınebaıany kórsetildi. Osylaısha Dımash – MTV arnasynan qazaq tilinde án salǵan tuńǵysh ánshi boldy, dep habarlaıdy QazAqparat tilshisi.

Telearnada jáne arnanyń YouTube-tegi resmı paraqshasynda «MTV’s Friday Livestream» baǵdarlamasynda Dımashtyń «Qairan Elim» ániniń beınebaıany kórsetildi.

Dımashtyń MTV-degi tusaýkeserin Dimash USA fan Club jankúıerleriniń Instagram paraqshasynan tamashalaýǵa bolady.


Sonymen birge, AQSh-tyń Qazaqstandaǵy elshiligi de ánshi men onyń jankúıerlerin amerıkalyq arnadaǵy tabysymen quttyqtady.

«Dımash «MTV’s Friday Livestream» baǵdarlamasyndaǵy eń suranysqa ıe ártis atandy», - dep jazdy elshilik.


Beınebaıandy MTV USA arnasynyń resmı YouTube jelisi arqyly álemniń kez-kelgen eli tamashalaı alady.

«Meniń tyńdarmandaryma, álemniń ár túpkirindegi meniń ónerimdi baǵalaıtyn jankúıerlerime shyn júregimmen alǵys aıtamyn. Olar meniń bala armanymnyń oryndalýyna sebepker boldy. Qazaqstan ǵana emes, tórtkúl dúnıedegi Dear-larymnyń qoldaýyna razymyn. Qurmetim men alǵysym sheksiz», – dep Dımash óz lebizin bildirdi.

Beınebaıan Nıý-Iork ýaqytymen juma kúni 17:00 men 20:00 aralyǵynda, al Nur-Sultan ýaqytymen túngi 03:00 men tańǵy 06:00 aralyǵynda kórsetildi. Bul – Amerıkadadaǵy praım-taım ýaqyt. Dál osy ýaqytta MTV arnasyn eń kóp kórermen qaraıdy.


Joǵary qaraı