Aýa raıy
Astana -17 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

AQSh-tyń 2 shtatynda koronavırýstyń órshýine baılanysty shekteý sharalary kúsheıtilmek

2020 jyldyń 14 qarasha 2020 17:48

LONDON. QazAqparat – Amerıkanyń Oregon jáne Nıý-Meksıko shtattarynda Covid-19 indetiniń órshýine baılanysty qatań shekteý sharalary engizilmek, dep habarlaıdy QazAqparat VVS-ge silteme jasap.

Sheneýnikter ekinshi sanattaǵy mekemelerdiń kóbin jaýyp, adamdardy áleýmettik qarym-qatynasty shekteýge shaqyrdy.

Juma kúni Kalıfornııada vırýs juqtyrǵandar sany mıllıonnan asty. Buǵan deıin mundaı kórsetkish Tehas shtatynda tirkelgen.

AQSh-ta kúnine ortasha eseppen 900 adam osy indetten kóz jumady.

Keıingi 11 kúnde kúndelikti juqtyryp jatqandar sany 100 000-nan asty, qazirgi ýaqytta 67 000 adam aýrýhanada jatyr.

Djon Hopkıns ýnıversıtetiniń deregi boıynsha, AQSh-ta jalpy 10,7 mıllıon adam ınfektsııa juqtyryp, 244 myń adam qaıtys bolǵan.

Juma kúni Tramp ákimshiligi aldaǵy aptalarda Azyq-túlik pen dári-dármekti baqylaý basqarmasy (FDA) maquldaǵan eki vaktsına men eki terapevtik dárini alýdy josparlap otyrǵanyn málimdedi.

Vaktsına boıynsha ákimshilik basshysy, dáriger Monsef Slaýı 20 mıllıon dozany jeltoqsanda paıdalanýǵa berip, sodan keıin ár aı saıyn kem degende 20 mıllıon vaktsınadan daıyndap otyrýǵa bolatynyn aıtty.

Keıingi aptalarda da Aıova, Mınnesot, Mıchıgan jáne Illınoıs shtattarynda vırýs juqtyrǵandar sany artyp jatyr.
Basty sózder: AQSh, Amerıka, Koronavırýs, Álem,
Joǵary qaraı