Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

AQSh-taǵy bankte buǵattalǵan Ulttyq qordyń aktıvteri Qazaqstanǵa qaıtaryldy

2021 jyldyń 27 qarasha 2021 09:48

NUR-SULTAN. QazAqparat - Qazaqstan Respýblıkasy Ulttyq qorynyń shamamen 536 mln AQSh dollary mólsherindegi aktıvterinen tyıym salý alyndy. Qarajat Qazaqstan Ulttyq bankiniń ıeligine qaıtaryldy, dep habarlaıdy QazAqparat UB baspasóz qyzmetine silteme jasap.

Budan buryn habarlanǵandaı, 2017 jylǵy jeltoqsanda Statı tórelik sheshimdi taný týraly syrttaı qaýlyny alǵan bolatyn, keıinnen ol Belgııanyń birinshi satydaǵy sotynyń qaýlysymen rastaldy. Bank New York Mellon bankinde ornalastyrylǵan Qazaqstan Respýblıkasy Ulttyq qorynyń 530 mıllıon dollar somasyndaǵy aktıvteri 2018 jylǵy mamyrdan bastap buǵattalǵan edi.

«2021 jylǵy 16 qarashada Brıýsseldiń apellıatsııalyq soty Statı tarapynan alaıaqtyq is-áreketter týraly qorytyndy negizinde tómengi sottyń Belgııanyń aýmaǵynda tórelik sheshimdi taný jáne oryndaý týraly sheshiminiń kúshin tolyǵymen joıdy. Qazaqstan Ulttyq banki men Qazaqstan Respýblıkasy Ádilet mınıstrliginiń birlesken kúsh-jigeriniń nátıjesinde Ulttyq qordyń joǵaryda atalǵan aktıvteri tyıym salýdan bosatyldy», - delingen habarlamada.

Eske salsaq, buǵan deıin Statı jeńilisin moıyndap, QR Ulttyq qorynyń 530 mln dollar aktıvine salynǵan tyıym alynatyndyǵy týraly habarlaǵan bolatynbyz.



Joǵary qaraı