Aýa raıy
Astana 9 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

AQSh-ta ómir súretin jabaıy janýar Almaty kóshelerinde júr

2020 jyldyń 3 tamyz 2020 16:01

ALMATY. QazAqparat – Almaty kóshelerinde Amerıkada ómir súretin janýar júr. Bul ereshe jaǵdaı áleýmettik jelide jarııalandy. Ony júrgizýshilerdiń biri kórgen, dep habarlaıdy QazAqparat.

Kólik aıdap kele jatqan adamnyń aldynan tura qashqan janýar shıdiń arasyna kirip joq bop ketken.

«Sırek kezdesetin janýardy qala turǵyny tapqan. Janýar kóliktiń aldynan kes-kestep shyqqan. Júrgizýshi tez arada kólikti toqtatyp, vıdeoǵa túsirip úlgergen», - delingen Instagram p araqshasyndaǵy jazbada.

QR Ekologııa jáne geologııa, tabıǵı resýrstar mınıstrligi bul derekti tekserip jatyr.

«Kireýkeı (bronenosets) Ońtústik jáne Soltústik Amerıkada ómir súretin sút qorektiler qataryna jatady. Bul janýar Qazaqstanda ómir súrmeıdi. Áleýmettik jelide jarııalanǵan derekke baılanysty qazir tekserý júrip jatyr», - dedi mınıstrliktiń baspasóz qyzmetinen.

Aıta ketý kerek, 25 maýsymda Mańǵystaý oblysynyń Aqshuqyr aýylynyń jergilikti turǵyndary kóshede júrgen arystandy kórip, dabyl qaqqan bolatyn.

Jyrtqysh janýardy mamandar ustap, tsırkke tabystady.

10 shildede túz taǵysyn zańsyz baqqan Aqtaý turǵynyna qatysty sot úkimi shyqty.

Keıinnen Orman sharýashylyǵy jáne janýarlar álemi baspasóz hatshysy Sáken Dildahmettiń aıtýynsha, bul janýar Almaty zoobaǵyna jetkizilgen.


Avtor Gúlmıra Ǵosmanálı
Basty sózder: Almaty, Ekologııa, Qoǵam,
Joǵary qaraı