Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

AQSh-ta meksıkalyq esirtki barony «El Chaponyń» áıeli sottaldy

2021 jyldyń 1 jeltoqsan 2021 19:53

NUR-SULTAN. QazAqparat – AQSh-ta meksıkalyq esirtki barony Hoakın Gýsman «El Chaponyń» áıeli úsh jylǵa qamalyp, tórt jyl baqylaýda bolady, dep habarlaıdy QazAqparat Euronews-ke silteme jasap.

Emma Koronel Aıspýro kúıeýiniń qylmystaryna kómektesken. Ol esirtki trafıgine, aqshany jylystatýǵa, sondaı-aq 2015 jyly Gýsmannyń Meksıka túrmesinen qashyp ketýine yqpal etken qylmystary úshin kinásin moıyndady. AQSh-ta taǵylǵan aıyptar boıynsha oǵan 10 jylǵa deıin bas bostandyǵynan aıyrý qaýpi tónýi múmkin.

Hoakın Gýsman 2017 jyly AQSh bıliginiń ótinishi boıynsha Meksıkadan AQSh-qa ekstradıtsııalandy. 2019 jyldyń aqpan aıynda Nıý-Iork shtatynyń Shyǵys okrýginiń qazylar alqasy ony qylmystyq topqa qatysqany úshin, esirtkini óndirý jáne taratý, qarý qoldaný jáne esirtkiden túsken kiristi zańdastyrýda sóz baılasqany úshin kináli dep tapty.

2019 jyldyń shildesinde Gýsman ómir boıyna abaqtyǵa qamaldy, sonymen qatar taǵy 30 jylǵa bas bostandyǵynan aıyryldy. Ol AQSh-tyń Kolorado shtatyndaǵy AQSh-taǵy eń qatań rejımdegi túrmede jazasyn ótep jatyr.


Basty sózder: Álem,
Joǵary qaraı