Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

AQSh Memlekettik hatshysynyń kómekshisi Qazaqstanǵa keledi

2022 jyldyń 23 mamyr 2022 11:47

NUR-SULTAN. QazAqparat - Osy aptada Qazaqstanǵa AQSh Memlekettik hatshysynyń Ońtústik jáne Ortalyq Azııa isteri boıynsha kómekshisi Donald Lý keledi, dep habarlaıdy QazAqparat AQSh Memlekettik departamenti baspasóz qyzmetine silteme jasap.

AQSh-tyń aımaqpen qarym-qatynasyn nyǵaıtý jáne Ortalyq Azııamen neǵurlym tyǵyz baılanys ornatý úshin 23-27 mamyr kúnderi Lý bastaǵan delegatsııa Qazaqstan, Qyrǵyzstan, Ózbekstan jáne Tájikstanǵa sapar jasaıdy dep kútilýde.

AQSh delegatsııasy Qazaqstandaǵy reformalardyń kún tártibin, adam quqyqtaryn qorǵaýdy kúsheıtý jáne áıelder quqyǵyn keńeıtýdi talqylaý maqsatynda joǵary laýazymdy tulǵalarmen jáne azamattyq qoǵam jetekshilerimen kezdesedi.

AQSh Memlekettik departamenti delegatsııasynyń quramyna Reseı jáne Ortalyq Azııa boıynsha Ulttyq qaýipsizdik keńesiniń aǵa dırektory Erık Grın, AQSh Qorǵanys mınıstrniniń Aýǵanstan, Pákistan jáne Ortalyq Azııa boıynsha kómekshisiniń orynbasary Rebekka Tsımmerman, Halyqaralyq damý agenttiginiń Azııa bıýrosy ákimshisi kómekshisiniń orynbasary Andjalı Kaýr jáne AQSh qarjy korporatsııasynyń halyqaralyq damý jónindegi apparat basshysynyń orynbasary Naz Ál-Hatıb kiredi.


Basty sózder: Álem, AQSh, Ortalyq Azııa,
Joǵary qaraı