Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

AQSh Memlekettik departamenti: Qazaqstannyń ıadrolyq synaqty toqtatý jónindegi qyzmeti qurmetke laıyq

2021 jyldyń 28 tamyz 2021 12:44

NUR-SULTAN. QazAqparat - Semeı ıadrolyq synaq polıgonynyń jabylýyna 30 jyl tolýyna oraı AQSh Memlekettik departamenti málimdeme jarııalady, dep habarlaıdy QazAqparat QR SІM Telegram paraqshasyna silteme jasap.

«Amerıka Qurama Shtattary Qazaqstandy Semeı ıadrolyq synaq polıgony jabylýynyń 30 jyldyǵymen quttyqtaıdy. Ony jabý týraly sheshim ıadrolyq qaýipsizdik pen taratpaýǵa degen naqty beıildilikti kórsetti.

Qazaqstannyń Semeı polıgonyna qatysty mundaı asa mańyzdy sheshimi qaýipsiz álemge qol jetkizýge baǵyttalǵan mańyzdy sharalar tizbegindegi alǵashqy sheshim boldy. Polıgon jabylǵannan keıin Amerıka Qurama Shtattary Qazaqstanmen birge keńestik ıadrolyq synaq ınfraqurylymynan qalǵan murany alyp tastaý, sondaı-aq keıingi kezeńde Degeleń taýyndaǵy ıadrolyq synaqtar úshin paıdalanylǵan 181 tonneldi joıý úshin yntymaqtasa jumys atqardy», delingen habarlamada.

AQSh Memlekettik departamentiniń málimdemeýinshe, Qazaqstannyń búkil álemde ıadrolyq jarylǵysh qurylǵylardy synaýdy toqtatýdy qoldaý jónindegi belsendi qyzmeti qurmetke laıyq.

«Dál osylaı Amerıka Qurama Shtattary da ıAdrolyq synaqtarǵa jappaı tyıym salý týraly shartty (ıASJTSh) qoldaıdy jáne osy maqsatqa jetý jolynda turǵan aıtarlyqtaı qıyndyqtardy moıyndaı otyryp, onyń kúshine enýi úshin jumys atqarýǵa beıildi. ıASJTSh maqsattaryna sáıkes, Amerıka Qurama Shtattary «nóldik qýattaǵy» ıadrolyq jarylǵysh qurylǵylardy synaýǵa moratorıı saqtaýdy jalǵastyrýda jáne ıadrolyq qarýy bar barlyq memleketterdi osyndaı moratorıı jarııalaýǵa nemese saqtaýǵa shaqyrady», delingen habarlamada.

AQSh Memlekettik departamenti Qazaqstan Úkimetine turaqty seriktestigi úshin alǵys aıtty.


Joǵary qaraı