Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

AQSh-qa vaktsına saldyrǵandar bara alady

2021 jyldyń 21 qyrkúıek 2021 13:34

NUR-SULTAN. QazAqparat – Ulybrıtanııa men EO elderi AQSh-tyń taıaý ýaqytta elge tolyq vaktsına alǵan sheteldikterdi kirgizýi týraly sheshimin quptap otyr, dep habarlaıdy QazAqparat Euronews-ke silteme jasap.

Aıta keteıik, AQSh bıligi pandemııa bastalǵan kezde elge kirýge tyıym salǵan bolatyn.

Aq úıdiń baspasóz hatshysy Djen Psakı bul málimetti bylaı dep naqtylady: «Qarashanyń basynda biz koronavırýstyń taralýyna jol bermeý úshin AQSh-qa keletin jolaýshylarǵa qatań sharalar engizemiz. Bizdiń basty talabymyz – elge keletin barlyq azamattar tolyqtaı vaktsına alýy tıis».
Brıtanııa premer-mınıstrá Borıs Djonson Týıtterde Vashıngtonnyń bul sheshimi bıznes pen saýdanyń damýyna yqpal etetinin jazdy. «Burynǵy dostardyń qaıta qaýyshatyny keremet boldy», - dep atap ótti ol.
Ázirge talaptardyń retteýi tıis biraz máseleleri bar. Mysaly, Ulybrıtanııada kámelettik jasqa tolmaǵandar vaktsınanyń tek bir dozasyn alady, al AQSh buny qabyldaı ma? Kóptegen eýropalyqtar saldyrǵan AstraZeneca vaktsınasy AQSh-ta resmı bekitilmegen.


Joǵary qaraı