Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqparat vıtse-mınıstri jappaı tártipsizdikterge qatysty: Qazir naqty usynystar qajet

2022 jyldyń 18 qańtar 2022 15:24

NUR-SULTAN. QazAqparat – QR Aqparat jáne qoǵamdyq damý vıtse-mınıstri Bolat Tilepov elde bolǵan jappaı tártipsizdikterge qatysty óz oıymen bólisip, azamattyq qoǵam uıymdarynyń usynysyn tyńdady, dep habarlaıdy QazAqparat tilshisi.

«Eldegi bolǵan jaǵdaı bárimizge málim. Qazir qoldaý bildirip, basý aıtý ǵana emes, naqty usynys qajet. Іske kóshetin ýaqyt keldi. Jappaı tártipsizdikter elimiz boıynsha 12 alańda ótti. Oǵan qatysýshylardyń deni jastar. Olar kimder? Kóbisi jumyssyz, úı-kúıi joq jastar. Kóbi aýyldan shyqqan jáne qazaqtildi jastar. Osy jerde suraq týyndaıdy «eldegi jappaı tártipsizdik kezinde qaı úkimettik emes uıym ókilderi alańǵa shyǵyp olarǵa basý aıtyp, aqylǵa shaqyrdy?» Eshkim shyqqan joq. Azamattyq jáne úkimettik emes uıymdar memlekettik organdarmen birlesip durys jumys jasaı almaı otyr. Bizde quzyrly organ retinde qoǵamdyq jáne úkimettik emes uıymdardan naqty usynys kerek. Biz óz kezegimizde qaraýǵa ázirmiz», - dedi Bolat Tilepov.

Mınıstr orynbasarynyń málimdeýinshe, qoǵam máselesi memleket pen azamattyq ortanyń ózara áreketiniń nátıjesinde oń sheshimin tabady.

«Men búgingi jıynǵa sizderdi tyńdaý úshin keldim. Jıyn qorytyndysy boıynsha usynystaryńyzdy jınap, joǵaryǵa jetkizetin bolamyz», - deıdi ol.

Buǵan deıin habarlaǵanymyzdaı, búgin Qazaqstan azamattyq alıansynda Memleket basshysynyń jýyrda halyq jasaǵan úndeýi men Úkimetke júktegen tapsyrmalary talqylandy.

Atalǵan jıynda alıans prezıdenti Baný Nurǵazıeva qoǵam aldynda memlekettik organdar ǵana emes, ár adam jaýapty ekenin eske saldy.


Joǵary qaraı