Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqparat mınıstrliginde Ázerbaıjan delegatsııasymen kezdesý ótti

2021 jyldyń 16 qyrkúıek 2021 17:43

NUR-SULTAN. QazAqparat - Búgin QR Aqparat jáne qoǵamdyq damý mınıstrliginde Aıda Balaeva Nur-Sultandaǵy Eýrazııalyq Medıa Forýmnyń qatysýshylary Ázerbaıjan Respýblıkasynyń ókilderimen kezdesý ótkizdi, dep habarlaıdy QazAqparat atalmysh vedomostvonyń baspasóz qyzmetine silteme jasap.

Іs - sharaǵa Ázerbaıjan Respýblıkasy Prezıdenti ákimshiligi medıa bóliminiń basshysy K.Gasanov, Televızııa jáne radıo jónindegi ulttyq keńestiń basshysy A. Ismaılov, Ázerbaıjan Respýblıkasy Prezıdenti ákimshiligi medıa bólimi basshysynyń orynbasary O. Sattarov, Ázerbaıjan Respýblıkasynyń Qazaqstandaǵy Tótenshe jáne Ókiletti Elshisi A. Atamoglanov, «Ázerbaıjan televızııasy jáne radıohabary» JAQ tóraǵasy R. Mammadov qatysty.

Mınıstr A.Atamoglanovty jaqynda Ázerbaıjan Respýblıkasynyń Qazaqstandaǵy Tótenshe jáne Ýákiletti Elshisi qyzmetine taǵaıyndalýymen quttyqtap, Mınıstrlik qyzmetiniń negizgi baǵyttarymen tanystyrdy.




Oǵan qosa, Aıda Balaeva Ázerbaıjan aýmaǵynda kabeldik operatorlar torynda «Qazaq tv» telearnasynyń habar taratýyna kómek kórsetýdi surady, sondaı-aq Mınıstrliktiń Ázerbaıjan telearnalarymen birlesken jobalardy iske asyrýǵa, medıasaladaǵy mamandardyń tájirıbe almasýyn uıymdastyrýǵa daıyn ekendigin bildirdi.

A. Balaeva Ázerbaıjan ókilderin aǵymdaǵy jyldyń 27-28 qyrkúıeginde ótetin «Astana Media Week» medıaaptalyǵyna qatysýǵa shaqyrdy.

Kezdesý qorytyndysy boıynsha taraptar ózara tıimdi yntymaqtastyqqa qyzyǵýshylyq tanytty.





Joǵary qaraı