Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqparat mınıstrligi Jambyl oblysynda jýrnalıstermen bolǵan oqıǵaǵa túsinikteme berdi

2021 jyldyń 16 qyrkúıek 2021 18:32

NUR-SULTAN. QazAqparat - QR Aqparat jáne qoǵamdyq damý mınıstrligi Jambyl oblysynda jýrnalıstermen bolǵan oqıǵaǵa túsinikteme berdi. Bul týraly QazAqparat vedomstvanyń baspasóz qyzmetine silteme jasap habarlaıdy.

«QR Aqparat jáne qoǵamdyq damý mınıstrligi Turaninfo.kz agenttiktiń tilshisi I. Dastan men «7 arnanyń» tilshisi D. Álimquldyń sotqa deıingi tergeý aıasynda Jambyl oblysynyń polıtsııa departamentine shaqyrtylýy boıynsha kelesini habarlaıdy.

Mınıstrlik atalǵan fakti boıynsha tolyq aqparat berý jóninde quqyq qorǵaý organdaryna suraý joldady.

Osy ýaqytqa deıin belgili bolǵan málimet boıynsha qazir sotqa deıingi tergeý amaldary bastalǵan. Atalǵan is boıynsha joǵaryda atalǵan BAQ ókilderiniń mártebesi kýáger retinde belgilendi. Mınıstrlik bul máseleni nazarǵa aldy jáne baqylaýda ustap otyr», - delingen habarlamada.

Sonymen qatar mınıstrlik «Buqaralyq aqparat quraldary týraly» Zańyna sáıkes, jýrnalıster kópshilikke aqparat taratpas buryn, onyń shynaıylyǵyn únemi tekserip otyrýdy umytpaý kerektigin eskertti.


Joǵary qaraı