Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolalyqtardyń 35,5 paıyzy vaktsınatsııanyń tolyq kýrsynan ótti

2021 jyldyń 12 qazan 2021 19:58

KÓKShETAÝ. QazAqparat - Búgingi kúni koronavırýske qarsy vaktsınanyń eki komponentin Aqmola oblysynyń 261 025 turǵyny aldy.

Bul rette vaktsınatsııalaýdyń tolyq kýrsyn alǵandar arasynda koronavırýs ınfektsııasyn juqtyrýdyń 429 jaǵdaıy tirkelgen, al bul ruqsat etilgen 5 paıyz kezinde vaktsınatsııalanǵandardyń jalpy sanynyń 0,16 paıyzyn quraıdy. Alaıda statıstıkaǵa vaktsınatsııa pasporttaryn satyp alǵandar da kirdi.

Bul týraly brıfıngte Aqmola oblysynyń bas memlekettik sanıtarlyq dárigeri Aınagúl Mýsına málim etti, dep habarlaıdy QazAqparat tilshisi.

Aınagúl Mýsınanyń aıtýynsha, búgingi tańda Aqmola oblysynda koronavırýsqa qarsy úsh vaktsınany (Spýtnık V, Sınofarm, QazVac) saldyrýǵa bolady. Sonymen qatar, Memleket basshysynyń tapsyrmasy boıynsha bıylǵy jyldyń IV toqsanynda «Pfizer» vaktsınasyn jetkizilmek. Budan bólek, otandyq vaktsına tıimdiligi jaǵynan sheteldik analogtardan kem túspeıdi.

«Egý naýqany bastalǵannan beri oblysta vaktsınanyń 1 komponentiniń 350 650 dozasy alyndy, búgingi kúni vaktsınanyń birinshi komponentimen 287 973 adam egildi, bul tıisti kontıngenttiń 60 paıyzy. Oblys halqynyń jalpy sanynyń 39 paıyzyn quraıdy. Vaktsınanyń ekinshi komponentiniń 323 425 dozasy alyndy, oblystyń 261 025 turǵyny egildi - 54,5 paıyzy. Oblys halqynyń jalpy sanynyń 35,5 paıyzyn quraıdy», - dep túsindirdi A.Mýsına.


Joǵary qaraı