Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolalyqtar úshin arıtmologııany emdeýdiń jańa ádisteri qoljetimdi boldy

2021 jyldyń 29 qarasha 2021 09:50

KÓKShETAÝ. QazAqparat - Ulttyq ǵylymı kardıohırýrgııa ortalyǵynyń ınterventsııalyq arıtmologııa bóliminiń meńgerýshisi, Qazaq arıtmologtar qoǵamynyń prezıdenti, QR DSM shtattan tys bas arımology, medıtsına ǵylymdarynyń dotsenti, professor Aıan Ábdirahmanov Aqmola oblystyq kópsalaly aýrýhana bazasynda (MOB) defıbrıllıator-kardıoverterlerdi ımplantatsııalaý boıynsha sheberlik synybyn ótkizdi, dep habarlaıdy QazAqparat tilshisi.

Ýaqytsha trasvenozdy elektrokardıostımýlıatorlardy jáne turaqty bir kameraly jáne eki kameraly kardıostımýlıatorlardy ımplantatsııalaý MOB-da 2012 jyldan bastap júzege asyrylady. Búgingi tańda aqmolalyqtarǵa 120 turaqty elektrokardıostımýlıator ımplantatsııalandy. Kardıoverter-defıbrıllıatorlardyń aıyrmashylyǵy nede? Olar júrek yrǵaǵynyń údeýinde kórinetin qaýipti buzylýlardy emdeýge arnalǵan. Bul buzylýlar qarynshalyq tahıkardııa jáne qarynshalyq fıbrıllıatsııa dep atalady. Eger bul jaǵdaıda dereý shara qoldanylmasa, naýqastyń ólip ketýi múmkin, óıtkeni, ádette, qarynshalyq fıbrıllıatsııa kenetten júrek ustamasyna ákeledi.

Aqmola oblysyna Nur-Sultan qalasynan Ulttyq ǵylymı kardıohırýrgııalyq ortalyqtyń ınterventsııalyq arıtmologııa bólimshesiniń meńgerýshisi, Qazaq arıtmologtar qoǵamynyń prezıdenti, Eýropalyq júrek yrǵaǵy qaýymdastyǵynyń ulttyq qoǵamdar komıtetiniń teń tóraǵasy (EHRA ESC) 2020-2022, júrek yrǵaǵy qoǵamynyń múshesi (HRS, USA), QR DSM shtattan tys bas arımology, medıtsına ǵylymdarynyń dotsenti Aıan Ábdirahmanov keldi. Sondaı-aq, professor «kardıoverter-defıbrıllıatordy ımplantatsııalaýǵa patsıentterdi irikteý krıterııleri» dárisin oqydy.




Kenetten júrek ólimi jáne onyń aldyn alý týraly óńir kardıologtaryna Kardıologııa jáne ishki aýrýlar ınstıtýtynyń Kardıologııa jáne ońaltý bóliminiń meńgerýshisi, júrek kemistigi boıynsha Eýropalyq qaýymdastyq prezıdıýmynyń múshesi, PhD Ámına Raqysheva aıtyp berdi.

«QR jetekshi kardıohırýrgııalyq klınıkasynyń Densaýlyq saqtaý salasyna atsalysqany biz úshin qýantady. Ulttyq ǵylymı kardıohırýrgııalyq ortalyqtyń arqasynda densaýlyq saqtaý kórsetkishteri aıtarlyqtaı jaqsardy dep aıtýǵa bolady. Osydan 15-20 jyl buryn dárigerler dármensiz bolǵan naýqastardyń búginde emdelip shyǵýyna múmkindigi bar. Ortalyq bazasynda QR-da alǵashqy júrek transplantatsııasy júzege asyryldy. Ol elimizdiń barlyq kardıohırýrgııalyq qyzmetiniń jańashyl, flagmany jáne lokomotıvi bolyp tabylady. Pandemııanyń osyndaı aýyr kezeńinde de ol eń aýyr naýqastarǵa kómek kórsetetin ortalyqqa aınaldy», - dep atap ótti óńirdiń densaýlyq saqtaý basqarmasynyń basshysy Narıman Syzdyqov.




Oblystyq densaýlyq saqtaý basqarmasy basshysynyń aıtýynsha, aqmolalyqtarǵa buryn óńirde júrgizilmegen otalar qoljetimdi bolady.

«Qazirgi zamanǵy tehnologııalardyń arqasynda biz ártúrli endovaskýlıarlyq aralasýlar jasaı alamyz, sonyń ishinde júrek arıtmııasy. Bul master-klasty biz odan ári paıdalanyp, júzden astam adamnyń ómirin saqtap qalamyz dep esepteımin», - dep tolyqtyrdy Narıman Syzdyqov.

«Búgingi taqyryp kenetten júrek óliminiń aldyn alýǵa arnalǵan. Sheberlik sabaǵyna kardıologtar kelip otyr. Júrek óliminiń aldyn alý árqashan ózekti. Ólim-jitim boıynsha ol basqa aýrýlar men pandemııaǵa qaramastan birinshi orynda tur», - dep bólisti Aıan Ábdirahmanov.

Atap ótilgendeı, kelesi aptada oblys MOB bazasynda University Medical Center-men memorandýmǵa qol qoıýdy jáne odan ári master – klastar ótkizýdi josparlap otyr.

«Bul aýrýhanada bizde eń daıarlanǵan personal men baza bar, ol óńirdiń jańa tehnologııalaryn engizý boıynsha negizgi aldyńǵy qatarly klınıka bolyp tabylady», - dep tolyqtyrdy Narıman Syzdyqov.












Joǵary qaraı