Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqmolalyqtar Serik Sápıevke tulpar syılady

2022 jyldyń 14 mamyr 2022 19:38

KÓKShETAÝ. QazAqparat – Aqmola oblysynda oqýshylar arasynda ótken «Jiger-2022» spartakıadasynda Olımpıada chempıony Serik Sápıev tulpar mindi, dep habarlaıdy QazAqparat tilshisi.

«Balalar jyly» aıasynda Qorǵaljyn aýdanyndaǵy «Dáýren» stadıonynda uıymdastyrylǵan sharaǵa aýdan ákimi Berik Janbaev qatysyp, quttyqtaý sóz sóıledi. Ol óz sózinde spartakıdanyń balalardy dene shynyqtyrýmen aınalysýǵa jappaı tartýǵa, ulttyq sport túrlerin tanymal etýge yqpal etetinin atap ótti.

Jarys qonaqtarynyń arasynda Olımpıada chempıony Serik Sápıev pen bokstan álem chempıonatynyń júldegeri Azamat Qarlyǵashev boldy. Belgili sportshy Qorǵaljyn jerinen elimizge tanymal sportshylardyń túlep ushqanyn atap ótti.

«Búgin sizder aýdandyq deńgeıdegi jarysqa qatysyp otyrsyzdar. Bul spartakıada sizderge Qazaqstannyń dańqyn shyǵaratyn halyqaralyq saıystar úshin bastama bolatynyna senimdimin», - dedi Serik Sápıev.

Shara barysynda halyqaralyq jarystarda elimizdiń dańqyn shyǵaryp júrgen tanymal sportshylarǵa qazaqy dástúrmen shapan kıgizilse, Serik Sápıevke tulpar tartý etildi.

Aıta ketsek, spartakıada voleıbol, toǵyzqumalaq, fýtbol, dzıýdo, asyq atý tárizdi sport túrleri boıynsha ótti. Oǵan aýdannyń 13 mektebinen barlyǵy 446 bala qatysty. Jarys jeńimpazdary medal, estelik syılyqtarǵa ıe boldy.

Eske sala keteıik, Kókshetaýdaǵy jalǵyz soǵys ardageri qalanyń Qurmetti azamaty atandy.


Avtor Aslan Ospanov
Basty sózder: Aqmola oblysy, Sport, Balalar jyly,
Joǵary qaraı