Aýa raıy
Astana 25 °S
Almaty 27 °S
valıýta baǵamy
USD 412.55
EUR 468.66
RUB 5.79
CNY 58.80

Aqmolalyqtar bir kúnde polıtsııaǵa 32 tirkelmegen qarý ótkizdi

2020 jyldyń 2 shilde 2020 04:00

KÓKShETAÝ. QazAqparat – Aqmola oblysynyń turǵyndary elde tirkelmegen atys qarýyn satyp alýǵa baǵyttalǵan aktsııanyń alǵashqy kúninde 32 qarý ótkizdi, dep habarlaıdy QazAqparat.

Baspasóz qyzmeti taratqan aqparattarǵa qaraǵanda, bıyl kúrdeli ekpıdemıologııalyq jaǵaıdy nazarǵa ala otyryp, turǵyndardan tirkelmegen atys qarýlaryn, oq-dáriler men jarylǵysh zattardy satyp alý dástúrli aktsııasy onlaın formatta ótip jatyr. Ol Aqmola oblysynyń aýmaǵynda 1 maýsymnan bastaldy.

«Aqmolalyqtar bul iske belsendilik tanytyp, aktsııanyń birinshi kúninde-aq polıtsııaǵa tirkelmegen 32 qarýdy ótkizdi. Qazirgi tańda ótkizilgen qarýlar balısstıkalyq saraptamaǵa jiberilip, onyń nátıjesi boıynsha ár qarýǵa qansha qarjy beriletini belgili bolady»,-delingen polıtsııanyń habarlamasynda.

Aıta ketetin másele, erikti túrde ótkizgen azamattarǵa qarýdyń ár danasy úshin 10-nan 100-ge deıingi aralyqtaǵy eń tómengi eseptik kórsetkish kóleminde tólem jasalady. Al qarýǵa baılanysty tehnıkalyq talaptardy arnaıy komıssııa qaraıdy.


Basty sózder: Aqmola oblysy, Qoǵam,
Joǵary qaraı