Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolalyq jastar Qazaqstannyń 30 jyldaǵy jetistikterin talqylady

2021 jyldyń 15 qazan 2021 21:20

KÓKShETAÝ. QazAqparat - Aqmola oblysynda «Tórtinshi onjyldyqtaǵy Táýelsiz Qazaqstan» taqyrybymen jastar forýmy ótti, dep habarlaıdy QazAqparat tilshisi oblystyq ishki saıasat basqarmasynyń baspasóz qyzmetine silteme jasap.

Jıynǵa jastar qozǵalysynyń jetekshileri men kóshbasshylary, eriktiler uıymdarynyń ókilderi, belsendi jas kásipkerler, aýyl jastary jáne Táýelsizdiktiń qurdastary qatysty.

Forýmda aqmolalyq jastar «Táýelsizdiktiń 30 jyly ishinde Qazaqstan nege qol jetkizdi?» jáne «Tórtinshi onjyldyqta bizdiń memlekettiligimizdi nyǵaıtý úshin taǵy ne isteý kerek?» degen saýaldarǵa jaýap izdep kórdi.

Forýmǵa qatysýshylardy quttyqtaı otyryp, oblystyń ishki saıasat basqarmasy basshysynyń orynbasary Narıman Ábdirahmanov is-sharany ótkizýdiń mańyzdylyǵyn atap ótti.

«Táýelsizdik jyldary bizdiń memleketimiz eleýli saıası jáne ekonomıkalyq bıikterge jetti. Búginde Qazaqstan álemniń damyǵan elderiniń qataryna senimdi túrde qosylýda. Bul úrdiske jas urpaq erekshe úles qosýda. Jastar-memlekettiń barlyq ózgeristerine sezimtal áreket etetin qoǵamnyń eń belsendi jáne progressıvti múshesi. Búgingi forým syndarly pikir almasý jáne eldiń tabystaryna jetýdiń jańa joldaryn izdestirý alańy bolyp tabylady», - dep atap ótti Narıman Ábdirahmanov.




Forýmda «Qazaqstan stýdentter Alıansy» respýblıkalyq stýdentter qozǵalysy» qoǵamdyq birlestiginiń prezıdenti Іlııas Tústikbaev, Qazaqstan Respýblıkasy Memlekettik qyzmet isteri agenttiginiń Aqmola oblysy boıynsha departamentiniń bas mamany Nursultan Shytyrymbek, jas kásipker Angela Kravchenko, jattyqtyrýshy Mırzada Seıitqalı óz oı-pikirlerin bildirdi.

«Bıyl elimizdiń Táýelsizdigine 30 jyl tolady. Osy kezeńde biz kóp nársege qol jetkizdik jáne kóptegen shyńdardy baǵyndyrdyq. Búginde respýblıkada óz eliniń ıgiligi úshin janqııarlyqpen jumys isteýge daıyn jastar jetkilikti. Men jarqyn bolashaǵy bar Qazaqstanda týyp, ómir súrip jatqanyma qýanyshtymyn», - dedi Nursultan Shytyrymbek.

Jastar forýmy aıasynda Shoqan Ýálıhanov atyndaǵy Kókshetaý ýnıversıteti men Abaı Myrzahmetov atyndaǵy Kókshetaý ýnıversıtetiniń «Qazaqstan stýdentter Alıansy» respýblıkalyq stýdentter qozǵalysy» qoǵamdyq birlestigimen yntymaqtastyq týraly memorandýmdarǵa qol qoıyldy.

Aıta keteıik, Aqmola oblysynda 14-29 jas aralyǵyndaǵy 154 myńǵa jýyq jas azamat turady. El Táýelsizdiginiń mereıtoılyq jylynda óńirde jastardyń qatysýymen eki myńnan astam túrli is-shara ótkizildi.


Avtor Aslan Ospanov
Basty sózder: Qoǵam, Aqmola oblysy, Jastar,
Joǵary qaraı