Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolalyq polıtseıler koronavırýs vaktsınasyn ala bastady

2021 jyldyń 2 naýryz 2021 15:38

KÓKShETAÝ. QazAqparat - Aqmola óńirinde COVID-19-ǵa qarsy egý naýqany jalǵasýda. Іshki ister organdarynyń qyzmetkerleri de vaktsına ala bastady, dep habarlaıdy QazAqparat tilshisi oblystyq PD baspasóz qyzmetine silteme jasap.

Aqmola oblysy polıtsııa departamenti gospıtali basshylyǵynyń málimetinshe, tártip saqshylaryna ekpe salý úshin «Spýtnık V» vaktsınasynyń alǵashqy partııasy jetkizildi.

Vedomstvoda alǵashqy ekpeni polıtsııa departamentiniń bastyǵy men onyń orynbasarlary aldy.

Búgingi tańda vaktsınatsııalanǵan tártip saqshylarynyń sany 50 adamdy qurap otyr.

Bul patrýldik polıtsııa qyzmetkerleri men ýchaskelik polıtsııa ınspektorlary, olar aldyńǵy qatarda jáne basqa qyzmetterdiń qyzmetkerlerine qaraǵanda halyqpen tikeleı baılanysta.

Aýrýhananyń medıtsınalyq qyzmetkerleri COVID-19-ǵa 11 myńǵa jýyq tártip saqshylaryn tekserdi, olardyń 3 paıyzǵa jýyǵynda oń nátıje anyqtaldy.

«Belgili sebepterge baılanysty ekpe almaıtyn qyzmetkerler bar. Olarǵa ázirge ekpe salynbaıdy. Qalǵan qyzmetkerler búginnen bastap vaktsınany ala bastady» dep atap ótti gospıtal basshysy Anargúl Muqasheva.

Birinshi bolyp ekpe alǵan PD patrýldik polıtsııa batalonynyń 5-shi vzvodynyń komandıri, polıtsııa aǵa leıtenanty Danııar Amanjol óziniń jaǵdaıy týraly aıtyp, ekpe alý sebebin túsindirdi.

«Koronavırýsqa qarsy vaktsınatsııa bastalǵanyn habarlaǵan kezde men ony birden alǵym keletinin aıttym. Byltyrǵy jaǵdaı adamzat balasy úshin densaýlyqtan mańyzdy eshteńe joq ekenin kórsetti. Biz, polıtseıler, sondaı-aq medıtsına qyzmetkerleri azamattarmen tyǵyz baılanysta jumys isteımiz. Men kún saıyn jol qozǵalysyna qatysýshylarmen jumys isteımin. Vaktsına alý meniń densaýlyǵyma ǵana emes, aınalamdaǵylardyń saýlyǵy úshin de qajet»,-dedi ol.








Joǵary qaraı