Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolalyq metsenat aýylǵa dárigerlik ambýlatorııa salyp berdi

2021 jyldyń 24 qarasha 2021 13:30

KÓKShETAÝ. QazAqparat - Qazaqstan Respýblıkasy Táýelsizdiginiń 30 jyldyǵyn merekeleý sheńberinde QR Tuńǵysh Prezıdenti kúnine oraı Tselınograd aýdanynyń Tasty aýylynda dárigerlik ambýlatorııa ashyldy, dep habarlaıdy QazAqparat tilshisi.

«Rýhanı jańǵyrý» baǵdarlamasynyń «Týǵan jer» kishi jobasyn iske asyrý sheńberinde ashylǵan aýyldyq dárigerlik ambýlatorııa jergilikti «AKA» jaýapkershiligi shekteýli seriktestiginiń jeke qarajaty esebinen júzege asyrylǵan. Dárigerlik ambýlatorııa 25 kelýshige, kúndizgi statsıonarǵa 4-8 tósek-orynǵa shaqtalǵan. Onda 1 dáriger, 2 orta medıtsınalyq qyzmetker, 1 akýsher jumys isteıdi.




«Taldy aýylynyń turǵyndary Tselınograd aýdanynyń Qurmetti azamaty, metsenat, «AKA» jaýapkershiligi shekteýli seriktestiginiń basshysy Qýanyshbek Ahmedınge osyndaı syı úshin óte rıza», - dedi Tasty aýylynyń qoǵamdyq kelisim keńesiniń tóraǵasy Jaqsylyq Óteshov.

Aýdan ákimdiginiń málimetinshe, buǵan deıin Qýanyshbek Ahmedın Aqmeshit aýylyndaǵy aýyldyq klýb ǵımaratyna kúrdeli jóndeý júrgizip, turǵyndar ıgiligi úshin memleketke tegin tapsyrǵan bolatyn. Aýdan ortalyǵy Aqmol aýylyndaǵy KVI naýqastaryna arnalǵan provızorlyq statsıonarǵa medıtsınalyq jabdyqtar, dári-dármekter jáne jeke qorǵanys quraldaryn satyp alýǵa aqshalaı qarajat bóldi.




2020 jyly COVID-19 pandemııasyna baılanysty tótenshe jaǵdaı kezinde Aqmola oblysynyń az qamtylǵan azamattaryna, múgedekterine jáne az qamtylǵan otbasylaryna «Biz birgemiz» respýblıkalyq aktsııasy aıasynda birneshe ret qaıyrymdylyq kómek kórsetti.

Aıta ketsek, astanadan 56 shaqyrym qashyqtyqta ornalasqan Taldy aýylynda turatyn naqty halyq sany 1075 adam bolsa, bekitilgen qyzmet kórsetiletin halyq sany 824 adamdy quraıdy.





Joǵary qaraı