Aýa raıy
Astana -23 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolalyq balýan Qazaqstan chempıony atandy

2020 jyldyń 23 qarasha 2020 16:05

KÓKShETAÝ. QazAqparat - Aqmolalyq palýan Dáýlet Temirjanov eresekter arasynda erkin kúresten Qazaqstan Respýblıkasynyń chempıony atandy, dep habarlaıdy QazAqparat tilshisi.

Oblystyq dene shynyqtyrý jáne sport basqarmasynyń baspasóz hatshysy Mahabbat Bolshınanyń málimetinshe, Almaty qalasynda eresekter arasynda kúresten Qazaqstan Respýblıkasynyń chempıonaty ótip jatyr. Jarystyń alǵashqy kúni boz kilemge shyqqan palýandar erkin kúresten kúsh synasty. Jarysqa Aqmola oblysynan 9 palýan qatysty.

« 57 salmaqtaǵylar arasynda Dáýlet Temirjanov chempıon atanyp, Ulttyq qurama sapyna endi», - deıdi vedomstvodan.

Dáýlet Temirjanov Bógenbaı batyr atyndaǵy sporttaǵy daryndy balalardyń oblystyq mektep-ınternatynyń túlegi. Ol joǵary sporttyq sheberlik mektebinde jattyǵady. Jattyqtyrýshylary Evgenıı Sýdeıkın, Erik Japarov jáne Farhat Sháıimov.

«Dáýlet 57 salmaqtaǵylar arasynda jeńiske jetip, óziniń myqty ekenin dáleldedi. Osyndaı olımpıadalyq salmaqta onyń úzdik atanýy tekten tek emes. Bul bizdiń sportshylardyń deńgeıi joǵary ekenin kórsetedi», - deıdi erkin kúresten ulttyq quramanyń bas jattyqtyrýshysy Áset Serikbaev.


Avtor Aslan Ospanov
Basty sózder: Sport, Aqmola oblysy,
Joǵary qaraı