Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolada soǵys ardagerleriniń qurmetine memorıaldy taqta ashyldy

2021 jyldyń 9 mamyr 2021 21:56

KÓKShETAÝ. QazAqparat - Jeńis kúnine oraı Sandyqtaý aýdanynda soǵys ardagerlerin eske alýǵa arnalǵan memorıaldy qabyrǵa taqtasynyń ashylý saltanaty bolyp ótti, dep habarlaıdy QazAqparat ishki saıasat basqarmasyna silteme jasap.

Soǵysqa qatysqandardyń aty-jóni jazylǵan memorıaldyq taqta aýdan ortalyǵy Balkashın aýylynda ornatyldy.

Nysannyń ashylý saltanatyna aýdan ákimi Erbol Júsipbekov, soǵys ardageri Nıkolaı Sahnovtyń qyzy Tatıana Egorova, Sandyqtaý aýdanynyń ardagerler keńesiniń tóraǵasy jáne qurmetti azamaty Baqytjamal Seıitjanova, áskerı qyzmetkerler, qoǵam ókilderi qatysty.

«Jeńis kúni - búkil el úshin eń mańyzdy, tolǵandyratyn jáne qasterli merekelerdiń biri. Bul sol qatygez soǵysta qaza tapqandardyń bárin eske alý. Bizdiń aýdannan maıdanǵa 10 myńnan astam adam shaqyryldy, 4155 adam maıdan dalasynda qaza tapty, 5935 adam úıine oraldy. Ókinishke qaraı, aýdanymyzdaǵy soǵys ardagerleri qazir aramyzda joq, olar bizdiń jadymyzda jáne júregimizde máńgi saqtalady», - dep atap ótti quttyqtaý sózinde aýdan ákimi Erbol Júsipbekov.




Sharaǵa qatysýshylar monýmentke gúl shoǵyn qoıyp, soǵys ardagerlerin bir mınýt únsizdikpen eske aldy.

Aıta keteıik, soǵys jyldary Aqmola oblysynan maıdanǵa 90 myńǵa jýyq adam shaqyrylyp, soǵystan 37 myńnan astam adam ǵana oraldy.

Búginde óńirde 20 soǵys ardageri men 3000-nan astam tyl eńbekkeri turady. Onyń ishinde Sandyqtaý aýdanynyń segiz turǵynyna Keńes Odaǵynyń Batyry ataǵy berilgen.

Bul - Vasılıı Benberın, Vasılıı Bovt, Andreı Býsalov, Ivan Voronın, Nıkolaı Kolbasov, Ivan Terehın, Sergeı ıÝdın jáne Alekseı Chernov.


Avtor Aslan Ospanov
Basty sózder: Aqmola oblysy, Jeńis kúni,
Joǵary qaraı