Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqmolada karantın rejımin buzǵandar 27 mln teńge aıyppul tóledi

2022 jyldyń 23 qańtar 2022 00:37

KÓKShETAÝ. QazAqparat - Aqmola oblysynda úı karantınin buzǵany úshin jeke tulǵalarǵa 522 ákimshilik aıyppul salyndy, onyń jalpy somasy 27,6 mıllıon teńgeden asady. Bul týraly brıfıng barysynda Aqmola oblysynyń bas memlekettik sanıtarlyq dárigeri Aınagúl Mýsına málim etti, dep habarlaıdy QazAqparat tilshisi.

Onyń aıtýynsha, Aqmola oblysynda «Ashyq» qosymshasynyń búkil jumys kezeńinde 2304 karantın buzýshy anyqtaldy. Onyń 599-y «sary» mártebesimen jáne 1705-i «qyzyl» mártebesimen. Bul adamdar kásipkerlik obektilerine jiberilmegen, úı karantınin saqtaý týraly túsindirý jumystary júrgizilgen, sondaı-aq karantındik shekteý sharalaryn saqtaý úshin anyqtalǵan adamdardyń turǵylyqty jeri boıynsha aqparat jiberilgen.

Úı karantınin buzǵany úshin jeke tulǵalarǵa 522 ákimshilik aıyppul salyndy, olardyń jalpy somasy 27605769 teńgeni qurady.

«Vedomstvoaralyq komıssııanyń otyrysynda karantın merzimin 10 kúnge deıin qysqartý týraly sheshim qabyldandy, sondaı-aq jetinshi kúni PTR-test tapsyrýǵa jáne teris nátıje bolǵan jaǵdaıda jumysqa kirisýge bolady. Aqparattyq júıelerde 20 qańtardan bastap karantın merzimi VAK - ta qabyldanǵan sheshimdi eskere otyryp kórsetiledi», - dep atap ótti óńirdiń bas memlekettik sanıtarlyq dárigeri.

Sondaı-aq A.Mýsına áleýmettik jelilerde taratylǵan KVI naýqastaryna kartamen nemese QR tóleýge bolmaıtyndyǵy týraly habarlamany joqqa shyǵardy, olarǵa bul úshin aıyppul salynady.

«Áleýmettik jelilerge jiberiletin bul aqparat durys emes, sebebi chekın júrgizý úshin Ashyq boıynsha mobıldi qosymshalardyń kómegimen kásiporyn alǵan QR-kodty skanerleý qajet. Sonda ǵana ol bazada bekitiledi. Karta nemese QR-kod arqyly tólem jasaǵan kezde mártebe tekserilmeıdi», - dep atap ótti A.Mýsına.

Ol atap ótkendeı, «Ashyq» kóshbasshylarynyń 74-in taldaý barysynda olardyń ishinde 49 bilim berý nysany, 12 qoǵamdyq tamaqtaný salasy, úsh kommýnaldyq nysan, eki saýda obektisi tárizdi nysandar bar ekendigi anyqtaldy. Al 2686 aýtsaıderden 772 saýda obektisi, 436 memlekettik organdar obektisi, 369 bilim berý obektisi, 257 qoǵamdyq tamaqtaný obektisi, 321 qyzmet kórsetý jáne qyzmet kórsetý salasy obektisi, 102 saýda jáne oıyn-saýyq ortalyǵy, 61 mádenıet obektisi bar.

«Qoǵamdyq tamaqtaný obektileri aýtsaıderdiń basym bóligin Kókshetaý-59, Býrabaı aýdanynda-47 jáne Tselınograd aýdanynda-45 quraıdy, qalǵan aýdandarda az», - dep qorytyndylady A.Mýsına.



Perevod Aslan Ospanov
Basty sózder: Aqmola oblysy, Karantın,
Joǵary qaraı