Aýa raıy
Astana 15 °S
Almaty 20 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola turǵyny Qazaqstan Respýblıkasynyń azamattyǵyn 20 jyldan keıin aldy

2020 jyldyń 27 qyrkúıek 2020 19:25

KÓKShETAÝ. QazAqparat - Aqmola oblysynyń Qylmystyq atqarý júıesi departamentiniń probatsııa qyzmetkerleri esepte turǵan 1971 jyly týǵan Gennadıı esimdi tulǵaǵa qujat alýǵa kómektesti, dep habarlaıdy QazAqparat tilshisi vedomstvonyń baspasóz qyzmetine silteme jasap.

Vedomstvonyń málimeti boıynsha, Gennadıı aýdandyq sottyń úkimimen ol úsh jylǵa bas bostandyǵynan aıyrylǵan. Esepke qoıý kezinde jazasyn óteýshiniń qujattary joq jáne buryn halyqqa qyzmet kórsetý ortalyǵyna ótinishpen júginbegen bolyp shyqty.

Jazasyn óteý barysynda Gennadıı aldymen ortasha, keıin kásibı bilim alyp shyqty. Ol sottalmas buryn Qorǵanys kúshterinde áskerı boryshyn da ótepti. Keıin eline oralyp, mal ósirýmen aınalysqan.

2000 jyly úıi órtenip, barlyq qujattary janyp ketken. Tek jeke qujatyn ǵana qalpyna keltirýge múmkindik boldy. Artynshaıózi jalǵyz qalyp, ishimdikke salynǵan eken.

«Jas bolǵandyqtan, qujatty retke keltirýge jaǵdaı bolmady. Jaldanyp jumys istep kúnelttim», - deıdi Gennadıı, - Qylmysqa da sol mastyqpen bardym. Probatsııa qyzmetkerlerine alǵysym sheksiz. Qujattarymdy ózderi rásimdep, qalpyna keltirip berdi».

Vedomstvodan atap ótkendeı, qazirgi tańda Aqmola oblysy boıynsha qylmystyq atqarý júıesi departamenti Aqkól aýdandyq probatsııa bóliminiń qyzmetkerleri Gennadııdi jumysqa ornalastyrý máselesin sheship jatyr.

Avtor Aslan Ospanov
Basty sózder: Zań, Oqıǵa, Aqmola oblysy,
Joǵary qaraı