Aýa raıy
Astana 4 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola polıtseıleri kýrortty aımaqtarda 1700-den astam ákimshilik quqyq buzýshylyqty anyqtady

2020 jyldyń 24 shilde 2020 11:12

KÓKShETAÝ. QazAqparat – Býrabaı men Zerendi kýrort aımaqtarynda reıd júrgizilip jatyr, dep habarlaıdy QazAqparat óńirdiń polıtsııa departamentiniń baspasóz qyzmetine silteme jasap.

Kýrortty aımaq aýmaǵyn 15 mobıldi top kúzetedi, olardyń 8-i jol qaýipsizdigin, 7-eýi sanıtarlyq normalar men qoǵamdyq tártiptiń saqtalýyn baqylaıdy.

«Polıtsııa qabyldaǵan aldyn alý sharalary 500-den astam qoǵamdyq tártipti buzý faktisiniń jolyn kesýge múmkindik berdi. Olar: qoǵamdyq oryndarda spırt ishimdik ishý, usaq buzaqylyq, demalýǵa arnalǵan ortaq oryndardy lastaý, abattandyrý erejelerin buzý. Júrgizilgen reıd nátıjesinde Býrabaı jáne Zerendi aýdandarynda 6 týrızm nysanynyń basshylary ákimshilik jaýapkershilikke tartyldy. Tártip buzýshylyqqa jol bergen týrızm nysandarynyń qojaıyndary 30 AEK kóleminde aıyppul tóleýge mindetti, bul – 83 340 myń teńge»,- dep atap ótti vedomstvoda.





Polıtsııa oblystyń barlyq aýdandaryndaǵy demalys oryndary men qoǵamdyq jerlerdi tekserý úshin reıdter júrgizdi. Aýqymdy is-sharanyń nátıjesinde tártip saqshylary 1700-den astam ákimshilik quqyq buzýshylyqty anyqtap, sanıtarlyq normalardyń saqtalýy úshin jaýapkershilik týraly 9 000-ǵa jýyq eskertý qaǵazdaryn taratty.

Buǵan deıin habarlanǵandaı, 24 shildeden bastap Býrabaı men Zerendi jabylǵan bolatyn.





Joǵary qaraı