Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynyń Jaqsy aýdanyna jańa ákim keldi

2021 jyldyń 9 qazan 2021 19:25

KÓKShETAÝ. QazAqparat - Aqmola oblysynyń ákimi Ermek Marjyqpaev Jaqsy aýdanynda jumys saparymen bolyp, aýdan aktıvine QR Prezıdenti ákimshiliginiń kelisimimen jáne aýdandyq máslıhat depýtattarynyń qoldaýy negizinde óz ókimimen taǵaıyndaǵan jańa ákim Almagúl Qadralınamen tanystyrdy. Bul týraly aımaq basshysy áleýmettik jelidegi paraqshasynda jazdy, dep habarlaıdy QazAqparat tilshisi.

Almagúl Amanjolqyzy Qadralına 1978 jyly dúnıege kelgen, bilimi joǵary.

1999 jyly Sh.Ýálıhanov atyndaǵy Kókshetaý memlekettik ýnıversıtetin agronomııa mamandyǵy boıynsha támamdaǵan.

2003 jyly Qaraǵandy ekonomıkalyq ýnıversıtetin ıýrısprýdentsııa mamandyǵy boıynsha bitirgen.

Eńbek jolyn 2000 jyly prokýratýra mamany bolyp bastady, 2004-2008 jyldar aralyǵynda Aqmola oblysy jer resýrstary komıteti basqarmasynyń jerlerdi paıdalaný jáne qorǵaý bóliminde maman bolyp jumys istedi.

2008 jyldyń naýryz aıynan bastap, bir jyl boıy óńiraralyq jer ınspektsııasynda Aqmola, Qaraǵandy oblystary men Astana qalasy boıynsha zań bóliminiń bas mamany qyzmetin atqardy.

2009 - 2011 jyldary aralyǵynda óńiraralyq jer ınspektsııasynyń Aqmola, Qaraǵandy oblystary men Astana qalasy boıynsha jerlerdi paıdalaný men qorǵaýdy memlekettik baqylaý bóliminiń basshysy boldy, keıin onda basshynyń orynbasary bolyp taǵaıyndalsa, odan ári Aqmola oblysynda aýmaqtyq jer ınspektsııasynyń basshysy qyzmetin atqardy.

Sonymen birge, onyń eńbek jolynda tabıǵat resýrstary jáne tabıǵatty paıdalanýdy retteý basqarmasy basshysynyń orynbasary, jer qatynastary basqarmasynda basshynyń orynbasary sekildi qyzmetter bar.

Jańa qyzmetke taǵaıyndalǵanǵa deıin Aqmola oblysynyń jer qatynastary basqarmasynda basshysy laýazymynda boldy.

Aıta ketsek, osyǵan deıin Jaqsy aýdanynda ákim bolǵan Baýyrjan Málǵajdarov Shortandy aýdanynyń ákim laýazymyna taǵaıyndalǵan edi.



Joǵary qaraı