Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynyń turǵyndary joldaǵy qaýipti ýchaskelerdi qosymsha arqyly bile alady

2021 jyldyń 18 qańtar 2021 02:47

KÓKShETAÝ. QazAqparat - Aqmolalyqtar mobıldi qosymsha arqyly joldyń qaýipti ýchaskesi men jaqyn mańdaǵy polıtsııa pýnktiniń qaıda ornalasqanyn bile alady, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.

Vedomstvonyń málimetinshe, óńir polıtseıleri 2Gis qosymshasyna mańyzdy fýnktsııany qosyp otyr.

«Endi izdeý jolynda «polıtsııa» degen sózdi jazý jáne Kókshetaý qalasy boıynsha kez kelgen ǵımaratqa aparý kezinde navıgatordyń qosymsha betinde ol qandaı ýchaskelik polıtsııa pýnktine jatatyny kórsetiledi. Sonymen qatar, Kókshetaý qalasy men Aqmola oblysynyń barlyq ýchaskelik polıtsııa pýnktteri meken - jaıyn, ýchaskelik pýnkttiń nómirin, jumys rejımin, sondaı-aq ýchaskelik polıtsııa ınspektorynyń qyzmettik jáne uıaly nómirin elektrondyq kartadan kórýge bolady», - dedi vedomstvodan.

Qosymshany ázirleýshilerge aımaqtyq polıtsııa departamentinen oblystyń qaýipti jol ýchaskeleri týraly aqparat joldandy. Qaýipti jol ýchaskelerin elektrondy kartaǵa engizý qarastyrylýda.

Polıtsııa qyzmetkerleri atap ótkendeı, navıgatorda qaýipti jol ýchaskelerin kórsetý jol qozǵalysy qaýipsizdigin arttyrady, JKO sanyn azaıtady, sondaı-aq avtomobıl keptelisterin azaıtady.


Avtor Aslan Ospanov
Basty sózder: Aqmola oblysy, Qoǵam, Jol,
Joǵary qaraı