Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynyń Egindikól aýdanynda aýyzsý máselesi qalaı sheshilýde

2021 jyldyń 27 qazan 2021 21:15

KÓKShETAÝ. QazAqparat - Aqmola oblysynyń kóptegen aýdandary úshin aýyz sý máselesi áli de ótkir kúıinde qalyp otyr. Sonyń ishinde Egindikól aýdanyna aýyzsý 90 paıyzy tozǵan magıstraldyq sý qubyry arqyly jetkiziledi. Óńirde osy máseleni sheshý qalaı júzege asyrylýda. Bul týraly brıfıngte aýdan ákimi Erlan Muhamedın aıtyp berdi, dep habarlaıdy QazAqparat tilshisi.

Ákiminiń aıtýynsha, aýdandaǵy 11 eldi mekenniń 10-y Nura toptyq sý qubyry arqyly ótetin magıstral boıynsha sý alady.

«Bizdiń barlyq aýyldarymyzda jer asty qorlary joq jáne biz tikeleı Qorǵaljyn aýdanynan sý alamyz. Magıstral qubyrlarynyń tozýy 90 paıyzdy quraıdy. Biraq eldi mekenderdegi qubyrlardyń jaǵdaıy jaqsy, óıtkeni 2005-2007 jyldary jeliler jóndeldi. Magıstraldyq qubyrlardyń jaǵdaıy alańdaýshylyq týdyrady. Máselen, bıyl ortalyq sý qubyrynda problemalar boldy. Apat oryn aldy, ony joıý eki-úsh aptaǵa sozyldy», – dedi Erlan Muhamedın.

Osyǵan baılanysty sońǵy ýaqytta jyldyq jospar boıynsha 330 myń tekshe metr sý aǵyny shamamen 65-70 paıyzdy quraıdy, bul jetkiliksiz. 2018 jyly Nura toptyq sý qubyrynyń magıstrali respýblıkalyq bıýdjetke berildi.

«Biz respýblıkadan qarjy bóliný úshin smeta ázirlep, osy baǵytta jumys isteýdemiz. Biraq úsh - tórt jyl boıy úlken kólemde jumys júrgizilgen joq, tek josparly jumystar júrip jatyr. Bıylǵy jyly 250 shaqyrymdyq 18 magıstrali aýystyryldy, bul barlyǵy 10 paıyz. Bizge erekshe sharalar qabyldaý qajet», - dedi Erlan Muhamedın.

Aýdan ákimi atap ótkendeı, aýdanda respýblıkalyq bıýdjet esebinen jalpy quny 10 mıllıard teńgege magıstraldyq sý qubyrlaryn jóndeý josparlanǵan. Osy arqyly aýdanda aýyz máselesin eki-úsh jyl ishinde sheshý kózdelgen.



Joǵary qaraı