Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynyń dıqandary egin oraǵyn 80 paıyzdan asyrdy

2021 jyldyń 14 qyrkúıek 2021 16:35

KÓKShETAÝ. QazAqparat - Aqmola oblysynyń dıqandary kúzgi egin oraǵy jumystarynyń 81,1 paıyzyn eńserdi, dep habarlaıdy QazAqparat tilshisi oblystyq aýyl sharýashylyǵy basqarmasynyń baspasóz qyzmetine silteme jasap.

Vedomstvonyń málimetinshe, búgingi kúnge deıin oblysta 3673,7 myń gektar alqaptyń egini orylyp, onyń 2938,9 myń gektary bastyryldy. Bul - tıisinshe barlyq egis alqabynyń 81,1 paıyzy bolyp otyr.

«Oblys boıynsha ár gektardan orta eseppen 8 tsentnerden astyq jınalýda. Al, astyqty óńirler Sandyqtaý jáne Zerendi aýdandarynda bul kórsetkish 11,2-10,8 tsentnerden asyp otyr. Oraq naýqanynyń 84,7 jáne 80,7 paıyzyn eńsergen Esil jáne Jaqsy aýdandarynyń dıqandary kósh bastap keledi»,- dep kórsetilgen habarlamada.

Eske sala ketsek, bıylǵy jyly oblys boıynsha sebilgen aýyl sharýashylyǵy daqyldarynyń jalpy kólemi 4530,4 myń gektardy quraıdy. Onyń ishinde dándi jáne dándi burshaq daqyldary, maıly daqyldar, mal azyǵy, kartop jáne kókónis bar.



Joǵary qaraı