Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynyń ákimi áıelderdi 8 naýryz merekesimen quttyqtady

2021 jyldyń 6 naýryz 2021 12:50

KÓKShETAÝ. QazAqparat - Halyqaralyq áıelder kúnin merekeleý qarsańynda Aqmola oblysynyń ákimi Ermek Marjyqpaev kópbalaly analarmen jáne túrli qyzmet salalarynyń ókilderimen kezdesti, dep habarlaıdy QazAqparat tilshisi oblystyń ishki saıasat basqarmasyna silteme jasap.

Kezdesýde aımaq basshysy kóp balaly analarǵa «Altyn alqa» jáne «Kúmis alqa» belgilerin, mádenıet mekemeleriniń qyzmetkerlerine «Mádenıet salasynyń úzdigi» tós belgilerin jáne óz kásibiniń úzdik ókilderine Alǵys hat tabys etti. Oblys ákimi óz sózinde bizdiń memleketimizde otbasy ınstıtýtyn qoldaý máselelerine erekshe kóńil bólinetinin atap ótti. Ana men balany áleýmettik qorǵaýdyń qoldanystaǵy sharalary halyqtyń ál-aýqatyn jaqsartýǵa baǵyttalǵan. Búginde oblysta jan-jaqty memlekettik qoldaý kórsetiletin 15 myńnan astam kópbalaly ana turady.




«Aqmola oblysynyń áıelderi tirshiliktiń barlyq salasynda jumys isteıdi. Olar ózderiniń kúndelikti eńbekterimen óńirdiń jáne jalpy respýblıkanyń damýyna laıyqty úles qosýda. Kóktemgi mereke qarsańynda áıelder-dárigerler men medıtsına qyzmetkerlerine, polıtsııa men áskerı qyzmetkerlerge, metsenattarǵa, pedagogter men eriktilerge ınfektsııamen kúreske qosqan úlesi jáne halyqqa pandemııadan týyndaǵan qıyndyqtardy jeńýge kómekteskeni úshin zor alǵysymdy bildiremin», - dep atap ótti Ermek Marjyqpaev.

Budan bólek, aımaq basshysy Kókshetaý qalasynyń kommýnaldyq qyzmet qyzmetkerlerin oblys ortalyǵynyń transformatsııasyna eleýli úles qosyp kele jatqan qyz-kelinshekterdi quttyqtady.

«Kún saıyn aýa-raıynyń qolaısyzdyǵyna qaramastan, sizder bizdiń súıikti qalamyzdy kórkeıtýge atsalysyp kelesizder. Sizder kez-kelgen jumystan qaımyqpaı, ony laıyqty deńgeıde oryndap júrsizder. Sizderge shyn júrekten densaýlyq, uzaq ómir jáne sarqylmas kúsh-qýat tileımin», - dedi Ermek Marjyqpaev.

Sonymen qatar, osy kúni quttyqtaý sózderi basqa da salalardyń ókilderine joldandy.


Avtor Aslan Ospanov
Basty sózder: Aqmola oblysy, Qoǵam, Ákim, Mádenıet,
Joǵary qaraı