Aýa raıy
Astana -13 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysyndaǵy aýyldyń turǵyndary sapaly aýyzsýǵa qol jetkizdi

2020 jyldyń 1 jeltoqsan 2020 20:47

KÓKShETAÝ. QazAqparat – Aqmola oblysy Ereımentaý aýdanynyń Bestoǵaı aýylynda «Jumyspen qamtýdyń jol kartasy – 2020» baǵdarlamasy sheńberinde sý qubyry salynyp, aýyl turǵyndary sapaly aýyz sýǵa qol jetkizdi, dep habarlaıdy QazAqparat tilshisi oblystyq ishki saıasat basqarmasynyń baspasóz qyzmetine silteme jasap.

Jóndeý jumystary 2020 jyldyń mamyr aıynda bastalǵan. Ony merdiger «PSK Kokshetaý Stroı» JShS qolǵa alyp, merziminde aıaqtady.

Ereımentaý aýdany ákimdiginiń málimetinshe, joba boıynsha 9,3 shaqyrym sý qubyry jelisi tartyldy. Sý jáne káriz qubyrlary, sý sorǵysh stantsııa, eki sý jınaıtyn uńǵyma ornatyldy. Sonymen birge, stantsııa men rezervýar aýmaǵy qorshalyp, aýmaǵyna aǵash otyrǵyzyldy.

«Jumyspen qamtýdyń jol kartasy – 2020» baǵdarlamasy sheńberinde nysanǵa 38 adam aýdandyq eńbekpen qamtý ortalyqtary arqyly jumysqa ornalasty.

«Búgingi tańda sýmen jabdyqtaý júıesin jańartý jumystary tolyq aıaqtalyp, turǵyn úılerge sapaly aýyzsý tartyldy. Eńbek ardagerleri men zeınetkerlerdiń úılerine sý qubyryn merdigerler óz esebinen jetkizdi», - deıdi aýdan ákimi Abaı Áljanov.

Osy rette, jergilkti turǵyndar kópten kútken aýyz sýǵa qoljetkizgen merdiger uıymǵa alǵystaryn aıtýda.

«Sonaý 90-shy jyldardan bastap sýdy Baısary aýylynan tasymaldap iship keldik. Endi aýyzsý máselesi sheshildi. Osy ıgi iske úles qosqan azamattarǵa alǵysymyz sheksiz», - dedi aýyl turǵyny Baıtemirov.

Aıta ketsek, aǵymdaǵy jyly oblysta sýmen jabdyqtaý júıesin salý jáne jóndeý boıynsha 54 eldimekende 62 joba júzege asyrylýda.


Avtor Aslan Ospanov
Basty sózder: Aqmola oblysy, Qoǵam,
Joǵary qaraı