Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda «Zymyran-2021» oqý-jattyǵýy bastaldy

2021 jyldyń 28 qazan 2021 19:50

KÓKShETAÝ. QazAqparat - Aqmola oblysynda «Zymyran-2021» respýblıkalyq komandalyq-shtabtyq oqý-jattyǵýy bastaldy, dep habarlaıdy QazAqparat tilshisi oblystyq ishki saıasat basqarmasynyń baspasóz qyzmetine silteme jasap.

Aýqymdy sharaǵa jergilikti atqarýshy organdar, oblystyq jáne aýdandyq azamattyq qorǵaý qyzmetteri, oblystyq, qalalyq jáne aýdandyq tótenshe jaǵdaılardyń aldyn alý jáne joıý komıssııalary, Tótenshe jaǵdaılar departamentiniń vedomstvolyq baǵynysty uıymdary men aýmaqtyq bólimsheleriniń qyzmetkerleri qatysýda.

Taktıkalyq oqý-jattyǵý «Baıqońyr» ǵarysh aılaǵynan ushyrý barysynda tasymaldaǵysh zymyrandardyń apaty saldarynan týyndaıtyn tótenshe jaǵdaı kezinde azamattyq qorǵaýdyń memlekettik júıesiniń basqarý organdarynyń kúshteri men quraldarynyń is-qımylǵa daıyndyǵy taqyrybyndaǵy mindetterdi oryndaýǵa daıyndyq dárejesin aıqyndaýǵa baǵyttalǵan.

«Oblystyń barlyq qalalary men aýdandarynda oqý kirispe jumystaryn pysyqtaý maqsatynda quramyna 14 azamattyq qorǵaý qyzmeti kiretin 139 quralym jedel shtabtar joǵary daıyndyqqa keltirildi. Qutqarýshylar tótenshe jaǵdaılar kezinde barlyq sanıtarlyq-epıdemıologııalyq jáne karantın normalaryn saqtaı otyryp, eki kún qatarynan naqty ýaqyt rejıminde is-qımyl algorıtmderin pysyqtaıtyn bolady», - dedi vedomstvodan.












Avtor Aslan Ospanov
Basty sózder: Qaýipsizdik, Ásker, Aqmola oblysy,
Joǵary qaraı