Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqmola oblysynda jyl basynan beri KVI-dan 27 bala jazyldy

2022 jyldyń 29 qańtar 2022 01:48

KÓKShETAÝ. QazAqparat - Aqmola oblysynda koronavırýs ınfektsııasymen aýyratyn balalardyń sany artyp keledi.

Qazirdiń ózinde 27 bala jazylyp shyqty, sondaı-aq ınfektsııalyq statsıonarda qosymsha bes tósek-oryn ornalastyryldy. Bul týraly óńirlik kommýnıkatsııalar qyzmetinde ótken brıfıngte Aqmola oblystyq kópbeıindi balalar aýrýhanasynyń bas dárigeri Serikjan Sabyralıev málim etti, dep habarlaıdy QazAqparat tilshisi.

Bas dárigerdiń aıtýynsha, 2020 jyldyń sáýir aıynan bastap kópbeıindi oblystyq balalar aýrýhanasynyń ınfektsııalyq bólimshesi bazasynda balalarǵa arnalǵan 15 tósektik ınfektsııalyq statsıonar ashyldy.

«Aýrýdyń kóbeıýine baılanysty juqpaly aýrýlar statsıonarynda qosymsha 5 tósek oryn ornalastyrylyp, 2 beket ashyldy. 2022 jyldyń basynan bastap balalardyń ınfektsııalyq statsıonarǵa jatqyzylýy kóbeıdi. Jyl basynan beri aýdannan da, qala turǵyndarynan da 27 bala em qabyldady. Qazirgi ýaqytta túsip jatqan balalar bar», - dedi Serikjan Sabyralıev.




Ol atap ótkendeı, 2021 jyly oblystyq kópsalaly balalar aýrýhanasynda KVI bar 287 bala emdeldi.

«2022 jyly naýqas jáne aýyryp jazylǵan balalarda ókpeniń zaqymdaný klınıkasy jáne ótken jylǵydaı qandaı da bir asqynýlar anyqtalǵan joq. KVI asqynýy mýltıınflıatsııalyq sındromy – kavasakı sındromy bar 7 balada boldy. Negizinen 5 jasqa deıingi jáne fondyq patologııasy bar balalar aýyrady. Jasóspirimder aýyryp túsken joq», - dep tolyqtyrdy Serikjan Sabyralıev.

Bas dárigerdiń sózinshe, vaktsınatsııa boıynsha únemi belsendi túrde jumystar júrgizilýde. Medıtsına qyzmetkerleri óz balalaryn egip, ata-analarǵa balalaryn vaktsınatsııalaý qajettiligi týraly túsindirýde.

«Osyǵan baılanysty ata – analardy tájirıbeli mamandardyń sózine qulaq asyp, durys tańdaý jasaýǵa shaqyramyn», - dep túıindedi Serikjan Sabyralıev.


Joǵary qaraı