Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqmola oblysynda júk kóliginen qulaǵan er adamdy artqy dońǵalaq janshyp ketti

2022 jyldyń 25 mamyr 2022 00:51

KÓKShETAÝ. QazAqparat – Aqmola oblysynda júrip kele jatqan «KamAZ» júk kóliginiń salonynan qulap túsken 48 jastaǵy er adam mert boldy, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetinshe, Sandyqtaý aýdandyq polıtsııa bólimine ýchaskelik polıtsııa ınspektory habarlasyp, Mádenıet aýylynan eki shaqyrym jerde jergilikti turǵynnyń qaza bolǵanyn aıtqan.

«Aıtylǵan jerge jetken jedel-tergeý toby jergilikti aýyl sharýashylyǵy kásipornynyń 48 jastaǵy jumysshysynyń júrip kele jatqan «KamAZ» júk kóliginiń salonynan qulap túskenin anyqtady. Er adam qulaǵan kezde, kóliktiń artqy dóńgelekteriniń astynda qalǵan. Ol alǵan dene jaraqatynan oqıǵa ornynda kóz jumdy», - dedi vedomstvodan.

Qazirgi ýaqytta Sandyqtaý aýdandyq PB tergeý bólimi osy oqıǵaǵa baılanysty Qylmystyq kodekstiń 345-babynyń 3-bóligi «Avtomobıldi, trolleıbýsty, tramvaıdy jáne basqa da mehanıkalyq kólik quralyn basqaratyn adamnyń jol júrisi nemese kólik quraldaryn paıdalaný qaǵıdalaryn buzýy» baby boıynsha sotqa deıingi tergeý amaldaryn qolǵa aldy. Sot-medıtsınalyq saraptama taǵaıyndaldy.

Aıta ketsek, Aqmola oblysynda áıel 5-qabattan qulap kóz jumdy.


Avtor Aslan Ospanov
Basty sózder: Kólik, Aqmola oblysy, Oqıǵa,
Joǵary qaraı