Aýa raıy
Astana -12 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda jol apatynan 37 jastaǵy astanalyq kóz jumdy

2020 jyldyń 26 qazan 2020 19:21

KÓKShETAÝ. QazAqparat - Aqmola oblysynda birneshe kóliktiń qatysýymen jol apaty bolyp, 37 jastaǵy júrgizýshi kóz jumdy. Taǵy eki adam túrli dene jaraqatymen aýrýhanaǵa tústi, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.

Vedomstvonyń málimetinshe, jol apaty qazannyń 25-de saǵat 17:30 shamasynda Arshaly aýdany aýmaǵyndaǵy «Ekaterınbor-Almaty» tasjolynyń 1294-shaqyrymynda bolǵan.

«Nur-Sultan qalasyna baǵyt alǵan «IVECO» kóliginiń 58 jastaǵy (Almaty qalasynyń turǵyny) júrgizýshisi rýlge ıe bola almaı, joldyń ortasyndaǵy qıǵash syryqty buzyp ótip, joldyń qarsy baǵytyna shyǵyp ketken. Osy kezde «Lexus LX-570» kóliginiń 34 jastaǵy (Nur-Sultan qalasynyń turǵyny) júrgizýshisi kólikke soǵylmas úshin qarsy baǵytqa shyǵyp ketip, «Mitsubishi» kóligimen soqtyǵysqan. Saldarynan «Mitsubishi» kóliginiń 37 jastaǵy júrgizýshisi (Nur-Sultan qalasynyń turǵyny) alǵan dene jaraqatynan oqıǵa ornynda kóz jumdy. Osy kóliktiń salonynda bolǵan taǵy eki jolaýshy túrli dene jaraqatymen Nur-Sultandaǵy №1 qalalyq aýrýhanaǵa jetkizildi», - deıdi vedomstvodan.

Qazirgi kezde osy oqıǵa negizinde Qylmystyq kodekstiń 345-baby boıynsha is qozǵalyp, sotqa deıingi tergeý amaldary júrip jatyr.


Avtor Aslan Ospanov
Basty sózder: Oqıǵa, Nur-Sultan, Aqmola oblysy, Kólik, Jol,
Joǵary qaraı