Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda jol apaty saldarynan eki adam kóz jumdy

2021 jyldyń 19 qazan 2021 11:55

KÓKShETAÝ. QazAqparat – Aqmola oblysynda jol apaty saldarynan eki adam kóz jumdy, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetinshe, aǵymdaǵy jylǵy qazannyń 18-de túngi saǵat 00:46-da Aqkól aýdandyq polıtsııa bóliminiń kezekshi bólimine «Nur-Sultan-Petropavl» avtojolynyń 387 shaqyrymynda, ıaǵnı Krasnyı Gornıak aýylynyń mańynda jol-kólik oqıǵasy bolǵany týraly habar tústi.

«Aldyn ala málimetter boıynsha, isten shyqqan «Toyota Camry» avtokóligi tıelgen «Gazel» avtokóligi (júrgizýshisi Nur-Sultan qalasynyń 30 jastaǵy turǵyny) alda turǵan «MAN» avtokóligimen (júrgizýshisi Nur-Sultan qalasynyń 27 jastaǵy) soqtyǵysqan. Jol-kólik oqıǵasy saldarynan «Gazel» avtokóliginiń eki jolaýshysy, ıaǵnı 34 jáne 29 jastaǵy Nur-Sultan qalasynyń turǵyndary oqıǵa ornynda kóz jumdy. Al, «Gazel» avtokóliginiń júrgizýshisi túrli dene jaraqatymen Aqkól aýdanynyń ortalyq aýrýhanasyna jatqyzyldy. Oqıǵa kezinde eki júrgizýshi de saý bolǵan», - dedi vedomstvodan.

Qazirgi kezde, osy oqıǵaǵa baılanysty Qylmystyq kodekstiń 345-shi babynyń 4-bóligi «kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha sotqa deıingi tergeý sharalary qolǵa alyndy.


Avtor Aslan Ospanov
Basty sózder: Aımaq, Oqıǵa, Kólik, Aqmola oblysy,
Joǵary qaraı