Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda «Ulttyq onomastıka – el aınasy» atty konkýrs ótti

2020 jyldyń 31 qazan 2020 11:57

AQMOLA OBLYSY. QazAqparat – Aqmola oblysynda «Ulttyq onomastıka – el aınasy» atty oblystyq onlaın (ZOOM platformasynda) konkýrsy ótti, dep habarlaıdy QazAqparat oblystyń ishki saıasat departamentine silteme jasap.

Atalmysh shara, Aqmola oblysynda jergilikti atqarýshy organdardaǵy onomastıka bólimderiniń jumysyn kúsheıtý, sala mamandarynyń ataý berý jáne qaıta ataý jumystaryn jetildirý jáne damytýǵa yntalandyrý, jergilikti turǵyndar arasynda túsindirý jumystarynyń sapasyn arttyrý jáne kúsheıtý maqsatynda uıymdastyrdy.

Konkýrsqa aýdandar jáne Kókshetaý, Stepnogorsk qalalarynyń mádenıet jáne tilderdi damytý bólimderiniń basshylary, tilderdi damytý máselesine jaýapty mamandar, aýyldyq okrýgterdiń mamandary qatysty.

Qatysýshylar 2015-2020 jyldar aralyǵynda onomastıka salasynda atqarylǵan jumystar (jalpy aýdandaǵy ataýlar, qaıta atalǵany, ataý berilgeni, ıdeologııalyq turǵydan eskirgen ataýlar, t.s.s), túsindirý jumystary, tarıhı ataýlardy anyqtaý jumystary qamtylǵan, tolyq taldaý júrgizilgen 7 mınýttyq slaıd daıyndady. Qazaqstan Respýblıkasynyń «Tilder týraly» zańynan, onomastıka salasyn retteıtin normatıvtik quqyqtyq aktilerden, «Qazaqstan Respýblıkasyndaǵy til saıasatyn iske asyrýdyń 2020-2025 jyldarǵa arnalǵan memlekettik baǵdarlamasynan» qoıylǵan suraqtarǵa jaýap berdi.

«Bul konkýrs bıyl alǵash ret ótkizilip otyr. Daıyndalǵan slaıdtar oblysymyzdaǵy onomastıkanyń jaı-kúıinen habar beredi. Jergilikti mamandar da ózderiniń bilimderin synady. Konkýrs barlyǵymyz úshin óte paıdaly boldy», – dedi qazylar alqasynyń tóraǵasy, oblystyq onomastıka komıssııasynyń múshesi, oblystyq tarıhı-ólketaný mýzeıiniń dırektory Q.Shaqshaqov.

Konkýrsqa usynylǵan materıaldarmen tanysyp, qatysýshylardyń slaıdtary men jaýaptaryn taldaı kele, qazylar alqasy Kókshetaý qalasy Mádenıet jáne tilderdi damytý bóliminiń bas mamany Beısembekova Dına Ýaqytqyzyna І oryndy, Aqkól aýdany mádenıet jáne tilderdi damytý bóliminiń basshysy Túmenbaeva Aıgerim Ýaqytqyzy men Tselınograd aýdanynyń mamany Amangeldıeva Aqbota Ásetqyzyna ІІ oryndy berdi.

Al Býrabaı, Ereımentaý aýdandary mádenıet jáne tilderdi

damytý bólimderiniń mamandary Hamzına Dınara Meıirhanqyzy men Qanapııanova Aıaýlym Baltabaıqyzyna ІІІ oryndy berý týraly, Birjan sal, Zerendi, Jarqaıyń aýdandarynyń mamandaryn yntalandyrý syılyqtarymen marapattaý týraly sheshim qabyldady.

Sondaı-aq, baıqaýǵa qatysýshylarǵa alǵys hattar men baǵaly syılyqtar tabystalatyn bolady.

Basty sózder: Mádenıet, Aqmola oblysy,
Joǵary qaraı