Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda turǵyn úı qurylysy qarqyndy júrgizilýde

2021 jyldyń 26 aqpan 2021 12:24

KÓKShETAÝ. QazAqparat - Aqmola oblysynda halyqty turǵyn úımen qamtamasyz etý jónindegi mindetterdi sheshýge baǵyttalǵan birqatar memlekettik baǵdarlamalar júzege asyrylýda, dep habarlaıdy QazAqparat tilshisi oblystyq ishki saıasat basqarmasyna silteme jasap.

Oblystyq qurylys basqarmasynyń málimetinshe, «Nurly jer» baǵdarlamasy sheńberinde 48 kóppáterli úıdiń qurylysy júrgizilýde, onyń 28-i bıyl paıdalanýǵa beriledi.

«Jańa jobalar bıyl birqatar aýdandarda josparlanyp otyr. Onyń ishinde Aqkól aýdanynda halyqtyń áleýmettik osal toptaryna arnalǵan 45 páterli turǵyn úı, Shortandy aýdanynda 36 páterli turǵyn úı, Kókshetaý qalasynda 4 úı bar. 2021 jyly jalpy aýdany 38,9 myń sharshy metr bolatyn 11 kóppáterli turǵyn úıdi nemese 594 páterdi paıdalanýǵa berýdi josparlap otyrmyz», - dep atap ótti qurylys basqarmasyndaǵylar.

Aıta keteıik, jetim balalarǵa, kóp balaly analarǵa jáne halyqtyń basqa da áleýmettik osal toptaryna arnalǵan jańa qurylystar Kókshetaý, Aqkól, Bulandy, Ereımentaý, Tselınograd, Egindikól, Shortandy aýdandarynda, Birjan sal aýdanynda jáne Stepnogor qalasynda salynady. Jalpy, memlekettik baǵdarlamalar boıynsha 2021 jyly 616 myń sharshy metr turǵyn úıdi paıdalanýǵa berý josparlanyp otyr.

Sonymen qatar, Aqmola oblysynda «7-20-25, árbir otbasy úshin turǵyn úı satyp alýdyń jańa múmkindikteri» baǵdarlamasy júzege asyrylýda. Búginde óńir atalǵan baǵdarlamany júzege asyrýda besinshi orynda tur. Túsken 1663 ótinimniń 1224 maquldanyp, 11,2 mıllıard teńgeden astam somaǵa qaryz berildi.

Jalpy oblysta turǵyn úıdi paıdalanýǵa berý boıynsha oń dınamıka baıqalady. 2020 jyldyń qorytyndysy boıynsha 574 myń sharshy metr turǵyn úı nemese 5000 páter paıdalanýǵa berildi.


Joǵary qaraı