Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda sapasyz jol úshin 4 sheneýnik jaýapqa tartyldy

2021 jyldyń 11 qazan 2021 01:25

KÓKShETAÝ. QazAqparat - Aqmola oblysynda jergilikti atqarýshy organdar men jol uıymdarynyń laýazymdy tulǵalary nusqamalardy oryndamaǵany úshin jaýapkershilikke tartyldy, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.

Vedomstvonyń málimetinshe, tártip saqshylary tikeleı jáne yqpal etetin jaǵdaılar boıynsha jol-kólik oqıǵalaryna jol bermeý maqsatynda oblystyń eldi mekenderiniń joldary men kóshe-jol jelisine turaqty negizde tekserý júrgizedi.

«Aǵymdaǵy jyldyń basynan beri 2053 tekserý júrgizildi. Jergilikti atqarýshy organdar men múddeli uıymdardyń atyna jol qozǵalysyn uıymdastyrýdy jetildirý jáne qaýipsizdigin qamtamasyz etý jóninde 257 hat joldandy. Joldar men jol qurylystaryn tıisti deńgeıde kútip-ustamaǵany úshin 168 laýazymdy tulǵa, onyń ishinde JAO-nyń 49 basshysy, QazAvtoJol kompanııasynyń 45 basshysy men laýazymdy tulǵasy jáne basqa jol uıymdarynyń 74 laýazymdy tulǵasy ákimshilik jaýapkershilikke tartyldy», - dedi vedomstvodan.

Sonymen birge, ákimshilik polıtsııa organdary bergen jol belgilerin ornatý jáne kólik júretin joldardaǵy shuńqyrlardy joıý jónindegi nusqamalardy oryndamaǵany úshin QR ÁQBtK 462-baby boıynsha 4 laýazymdy tulǵa, onyń ishinde Egindikól aýylynyń ákimi, Qazaqavtojol Aqmola oblystyq fılıalynyń dırektorynyń orynbasary, Kókshetaý qalasy men ýchınsk qalasynyń TKSh basshylary ákimshilik jaýapkershilikke tartyldy.



Joǵary qaraı