Aýa raıy
Astana -14 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda pandemııa kezinde de ónerkásip ónimderiniń kólemi artty

2020 jyldyń 2 jeltoqsan 2020 20:50

KÓKShETAÝ. QazAqparat - Aqmola oblysynnyń kásiporyndary pandemııaǵa qaramastan óndiris kólemin kemitken joq. Qaýipti vırýs qyzmet kórsetý salasyna keri áser etti, soǵan qaramastan óńdeýshi sektordyń bir bóliginde damý kórsetkishi, artty dep habarlaıdy QazAqparat tilshisi oblystyq ishki saıasat basqarmasyna silteme jasap.

Hımııa, farmatsevtıka, jeńil ónerkásip jáne mashına qurylysy (jekeleı alǵanda stantsıonar jáne IVL mobıldi apparattaryn shyǵarýy) kásiporyndary óńdiristik suranys joǵary dızenfektsııalaý ónimderin, medıkamentter jáne jeke qurǵanys quraldaryn shyǵarý boıynsha ártaraptandyrdy.

Oblystaǵy tigin fabrıkalary men ateleler jappaı medıtsınalyq maska tikti. «Tynys» aktsıonerlik qoǵamy táýligine 25 myńǵa deıin maska shyǵardy. 2020 jyldyń naýryzynan bastap shyǵarylǵan qorǵanys maskalarynyń sany 1,8 mıllıonnan asty.

Shekaranyń shabylýy kıim, aıaqkıim jáne toqyma ónimderin shyǵaratyn jergilikti jeńil ónerkásip kásiporyndaryna jańa múmkindik ashyp otyr. Jyl basynan beri bylǵary aıaqkıimderiniń óndirisi 6 esege, toqyma ónimderiniki 60 paıyzǵa ulǵaıdy.

Hımııa ónerkásibinde dezınfektsııalaý ónimderin óndirý óńirdegi bes kásiporynda durys jolǵa qoıyldy. Naýryzdyń 19-da antıseptıkter ónidirisi 725,1 myń lıtrden asty.

Eske sala keteıik, «Tynys» aktsıonerlik qoǵamy aıyna 500 dana jasandy tynys alý aparattyn shyǵaryp jatyr.

Karantın sharalary kezinde elektrondy saýdaǵa suranys artty. 2019 jyly oblysta ınternet arqyly bólshek jáne kóterme saýda qyzmetiniń kólemi 3,4 mıllıard teńgeni qurady. Sońǵy 3 jylda elektrondy saýda kólemi 3,7 esege artty.

Aıtalyq, bıylǵy jyly oblysta help24.kz biryńǵaı onlaın-servıs iske qosyldy. Oǵan taýar jetkizip, onlaın qyzmet kórsetetin 81 kompanııa enip otyr. Qyzmet kórsetý kásiporyndar men 4058 saýda núktesinde 5 myń astam POS-termınal ornatyldy.


Joǵary qaraı