Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda ótken aptada úsh adam sýǵa batyp ketti

2021 jyldyń 27 shilde 2021 01:59

KÓKShETAÝ. QazAqparat - Ótken aptada Aqmola oblysynda úsh adam sýǵa batyp kóz jumdy. Shomylý maýsymy bastalǵannan beri óńirde 20 adam sýǵa ketti, onyń úsheýi - kámeletke tolmaǵan balalar, dep habarlaıdy QazAqparat.

Aqmola oblysy tótenshe jaǵdaılar departamenti basshysynyń orynbasary Qanat Dospaevtyń aıtýynsha, ótken aptada óńirde sýǵa batyp ólgen adamdardyń úsh faktisi tirkelgen. Onyń bári tyıym salynǵan jáne jabdyqtalmaǵan jerlerde shomylǵan.

Máselen, 20 shildede Arshaly aýdanynyń aýmaǵynda Jaltyrkól aýylynyń mańynda Jaltyrkól kólinde shomylyp júrgen 36 jastaǵy er adam, al 23 shildede Ereımentaý aýdanynyń aýmaǵynda Sileti ózeninde 38 jastaǵy er adam batyp ketti.

«Bul ólim faktileri qaýipsizdik erejelerin saqtamaý saldarynan oryn aldy, ıaǵnı atalǵan adamdar óz kúshin durys baǵalamaı, jaǵadan alysqa ketip qalǵan. Al 25 shilde kúni Býrabaı aýdanynyń Qarajar aýylyndaǵy Chıstoe kólinde sýǵa shomylý kezinde qaýipsizdik erejelerin saqtamaý saldarynan 27 jastaǵy er adam sýǵa batyp ketti. Aldyn ala aqparat boıynsha, ólimniń sebebi - mas kúıinde shomylý. Sýdaǵy adam óliminiń barlyq faktileri boıynsha sot-medıtsınalyq saraptama taǵaıyndaldy, onyń nátıjesi qosymsha habarlanady», - dep atap ótti spıker brıfıngte.

2021 jyldyń barlyq shomylý maýsymynda oblysta 20 adam sýǵa batyp ketti, onyń úsheýi - kámeletke tolmaǵandar.

Spıkerdiń aıtýynsha, 19-26 shilde aralyǵynda Aqmola oblysy boıynsha polıtsııa departamentiniń aýmaqtyq bólimsheleri birlesip 359 reıd jáne patrýldeý júrgizildi.

Onyń nátıjesi boıynsha 79 adam ákimshilik jaýapkershilikke tartyldy, onyń ishinde ÁQBtK-niń 440-baby boıynsha 65 adam («Alkogoldik ishimdikterdi ishý jáne qoǵamdyq oryndarǵa masań kúıde kelý») jáne ÁQBtK-niń 364-baby boıynsha 14 adam («Ortaq sý paıdalaný qaǵıdalaryn buzý»).


Basty sózder: Aqmola oblysy, Oqıǵa,
Joǵary qaraı