Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda órt shyqqan páterden múgedek áıel qutqaryldy

2021 jyldyń 18 qańtar 2021 13:21

KÓKShETAÝ. QazAqparat - Stepnogor qalasynda 5 qabatty úıdiń páterinen órt shyǵyp, 3 toptaǵy múgedek áıel qutqaryldy, dep habarlaıdy QazAqparat tilshisi Aqmola oblysy TJD baspasóz qyzmetine silteme jasap.

Vedomstvonyń málimetinshe, aǵymdaǵy jyldyń 17 qańtarynda tańǵy saǵat 09:52 shamasynda Stepnogor qalalyq TJB baılanys bólimine qalanyń 7 shaǵyn aýdanyndaǵy kópqabatty úıdiń 5-qabatyndaǵy páterden tútin shyǵyp jatqandyǵy týraly habar tústi.

«Páterdiń ishinde ózdiginen qozǵala almaıtyn múmkindigi shekteýli 1947 jylǵy áıel boldy. Qutqarýshylarǵa jetkenshe kórshileri áıeldi syrtqa alyp shyǵýǵa tyrysqan. Alaıda, odan esh nátıje bolmady. Abyroı bolǵanda, qutqarýshylar der kezinde jetip, áıeldi qutqaryp, jedel járdem brıgadasyna tapsyrdy. Ot páterdiń qabyrǵalary men tóbelerin sharpyǵan, jıhazdar men turmystyq zattarǵa zaqym keldi. Zardap shekkender joq», - dedi Stepnogor qalalyq TJB bastyǵynyń mindetin atqarýshy Arman Shaıahmetov.











Joǵary qaraı