Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda mektep túlekteri dárigerler otbasymen kezdesti

2021 jyldyń 19 maýsym 2021 18:42

KÓKShETAÝ. QazAqparat - Medıtsına qyzmetkerleri kúni qarsańynda «Táýelsizdik tarlandary» jobasy aıasynda Esil qalasynda №3 orta mektep túlekteri, «Altyn belgi» ıegeri Jaǵaparovtar januıasymen kezdesti, dep habarlaıdy QazAqparat tilshisi oblystyq ishki saıasat basqarmasynyń baspasóz qyzmetine silteme jasap.

Kezdesýdiń negizgi maqsaty qazaqstandyq patrıotızmdi tárbıeleý, eńbek qundylyqtaryn belsendi damytý, túrli salalarda janqııarlyqpen eńbek etip júrgen jáne eldiń damýyna úles qosqan azamattardyń qyzmetin dáripteý bolyp tabylady.

Marat Jaǵaparov Esil aýdanynyń qurmetti turǵyny, 45 jyldyq eńbek ótili bar hırýrg-dáriger, aýdandyq ortalyq aýrýhananyń hırýrgııa bóliminde kóp jyldan beri eńbek etip keledi. Ol kóptegen naýqastyń ómirine arasha túsken dáriger. Óziniń eńbegi men kásibıligi úshin oblystyq jáne aýdandyq deńgeıdegi kóptegen nagradalarmen jáne alǵys hattarmen marapattalǵan. Jubaıy Gúlshara Ábdýáliqyzy da ómirin medıtsınaǵa arnaǵan, 40 jyldan astam eńbek ótili bar ftızıatr-dáriger. Erli-zaıyptylar eki ul tárbıelep, ósirip otyr. Úlken uly ata-anasynyń izin jalǵap, qazirgi ýaqytta Qostanaı qalasynda travmatolog-ortoped dárigeri, balalar aýrýhanasynyń bólim meńgerýshisi bolyp jumys isteıdi. Kezdesý barysynda dárigerler otbasy jastarǵa óziniń ómirlik jáne kásibı joly týraly aıtyp, keńester men nusqaýlar berdi.





«Qazir sizder úshin ómirdegi eń mańyzdy emtıhandardyń birimen, bolashaq mamandyqty tańdaýmen jáne derbes ómirge kirýmen baılanysty jaýapty kezeń kele jatyr. Jańa jol sizder úshin tabysty bolsyn. Ózderińizge jáne ómirlik baǵyttaryńyzǵa adal bolyńyzdar. Sizderge myqty densaýlyq, sáttilik jáne bar jaqsylyqty tileımiz», - dedi erli-zaıypty Jaǵaparovtar.

Búgingi tańda oblys halqy 530 medıtsınalyq uıymda medıtsınalyq kómek alady, onda 12 myńǵa jýyq aq halatty abzal jandar eńbek etedi.


Avtor Aslan Ospanov
Basty sózder: Medıtsına, Aqmola oblysy,
Joǵary qaraı