Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda karantındik shekteý sharalary jeńildetildi

2021 jyldyń 16 qyrkúıek 2021 19:24

KÓKShETAÝ. QazAqparat - Aqmola oblysynda karantındik shekteý sharalary jeńildetildi. Bul týraly jańa qaýly qabyldandy, dep habarlaıdy QazAqparat tilshisi.

Jańa qaýlyda mektepke deıingi balalar mekemeleriniń, ashyq aýadaǵy attraktsıondardyń jumysyna ruqsat beriledi. Sonymen bir adamǵa keminde 4 sharshy metr esebinen, 30 adamnan artyq emes, betperde rejımi men áleýmettik qashyqtyq saqtaı otyryp, meshitter, pravoslavıe shirkeýleri jáne basqa da dinı obektiler aýmaǵynda, ashyq aýada ujymdyq dinı is-sharalardy, onyń ishinde «juma namazy», kúndelikti pravoslavıe duǵalary jáne basqalaryn júrgizýge ruqsat etilgen.

«Senbi jáne jeksenbi kúnderi qyzmetin toqtata turyp, jabyq azyq-túlik emes jáne azyq-túlik bazarlary qyzmetine ruqsat beriledi. Saýda oıyn-saýyq ortalyqtary, saýda úıleri, saýda ortalyqtary, azyq-túlik emes dúkender, aralas taýarlar dúkenderi, pavılon (osy obektilerde COVID-19-ǵa qarsy jappaı vaktsınatsııa pýnktteri ornalasqanyna qaramastan) senbi jáne jeksenbi kúnderi jumysyn toqtata turyp, kúsheıtilgen sanıtarlyq-epıdemııaǵa qarsy, sanıtarlyq-profılaktıkalyq is-sharalardy saqtaı otyryp jumys isteıdi. Mundaǵy kelýshiler sany 30 paıyzdan jáne bir kelýshige 4 sharshy metrden aspaýy tıis. «Ashyq» jobasyna qatysatynyna qaramastan, balalar oıyn alańdary men attraktsıon qyzmetine tyıym salynady», - delingen qaýlyda.

Budan bólek, senbi jáne jeksenbi kúnderi qyzmetin toqtata turyp, jumys kúnderi saǵat 20-ǵa deıin fıtnes ortalyqtary, ıoga ortalyqtary, trenajer zaldary men sport-saýyqtyrý ortalyqtary, saýna, SPA ortalyqtary, basseın qyzmetine ruqsat beriledi.

Qaýly qol qoıylǵan kúninen bastap bastap kúshine enedi.



Avtor Aslan Ospanov
Basty sózder: Karantın, Aqmola oblysy,
Joǵary qaraı